影片
更多
2024-08-23
894 瀏覽
見尖東開咗間新餐廳，晚市都有d生意，就同友人諗住食下。餐廳環境都幾有情調同好chill~Menu全英，似乎係走高檔越菜路線。喺侍應熱情推介之下，我地點咗個pho bo beef ($128)，再加$75要咗roasted bone marrow 牛骨髓。不得不讚，好耐冇食過咁好食嘅牛pho。湯底淆咗24個鐘頭，非常有牛肉嘅脂香。平時喺餐廳度甚少食到牛骨髓，用個匙羹將啲牛骨髓肥膏刮晒落個湯底度，滋味倍增，牛骨髓入口即溶。其次，牛腩亦都好腍同脂肪分布均勻。河粉偏厚實帶點米香，同出面食到嘅河粉好唔同。就連d香菜都睇得出佢好有心思咁落咗幾款herbs，一碗pho食出多重滋味。DIY ($58)好有驚喜同埋誠意嘅一道米紙拼盤。食材高質，價錢相宜，重點係食得出越南嘅水準。配料有生菜、越南香葉、菠蘿、青瓜、醃木瓜蘿蔔絲、Banh Hoi 濱海米粉同甜酸汁。米紙餅皮非常薄身，基本上一摺就爛，但更加可以突顯到食材嘅風味。所有配料都好新鮮，而且濱海米粉喺香港比較少食到，點埋個甜酸汁超好食，大推！Grilled lamb chop ($288)超抵食！平時去西餐廳食羊架都唔止呢個價錢，佢仲要有差唔多成六條骨
餐廳環境都幾有情調同好chill~
Menu全英，似乎係走高檔越菜路線。
喺侍應熱情推介之下，我地點咗個pho bo beef ($128)，再加$75要咗roasted bone marrow 牛骨髓。
不得不讚，好耐冇食過咁好食嘅牛pho。湯底淆咗24個鐘頭，非常有牛肉嘅脂香。平時喺餐廳度甚少食到牛骨髓，用個匙羹將啲牛骨髓肥膏刮晒落個湯底度，滋味倍增，牛骨髓入口即溶。其次，牛腩亦都好腍同脂肪分布均勻。河粉偏厚實帶點米香，同出面食到嘅河粉好唔同。就連d香菜都睇得出佢好有心思咁落咗幾款herbs，一碗pho食出多重滋味。
DIY ($58)
好有驚喜同埋誠意嘅一道米紙拼盤。食材高質，價錢相宜，重點係食得出越南嘅水準。配料有生菜、越南香葉、菠蘿、青瓜、醃木瓜蘿蔔絲、Banh Hoi 濱海米粉同甜酸汁。
米紙餅皮非常薄身，基本上一摺就爛，但更加可以突顯到食材嘅風味。所有配料都好新鮮，而且濱海米粉喺香港比較少食到，點埋個甜酸汁超好食，大推！
Grilled lamb chop ($288)
超抵食！平時去西餐廳食羊架都唔止呢個價錢，佢仲要有差唔多成六條骨。雖然佢煮到大概七成熟，但係肉質依然好嫩滑，冇乜羊膻味，加上佢用咗開心果油調味，整道菜都好惹味的。
Morning glory ($58)
辣蒜炒通菜，偏重口味同偏辣，好有鑊氣。
Durian Sticky Rice and Coconut Sundae ($118)
好邪惡嘅榴槤雪糕，面頭落咗d 煉奶同埋果仁，仲有榴槤蓉。下層有熱熱地嘅糯米飯，要撈埋一齊食先好食。
Prosecco ($75)
Shearwater Sauvignon Blanc ($75)
部份菜式價錢親民又高質，下次再嚟試其他dish!
張貼
