影片
更多
2024-09-18
3714 瀏覽
《KABOOM - 尖沙咀》星期五放工，例牌都要鬆一鬆☺️有陣時收工之後真係想好好休息吓飲杯嘢放空一下自己😉而家有好多餐廳其實都有埋酒吧，可以食飯飲酒一條龍唔使四圍轉場，餐廳仲可以幫你配搭一下食物同埋適合嘅酒精飲品🤓所以上個禮拜五，我就book咗枱去尖沙咀呢一間人氣嘅泰式餐廳食飯兼飲杯嘢，餐廳有分室外位置同室內位置，天氣涼啲嘅話坐出邊可以望住維港海景，成件事好浪漫啊☺️當晚我喺餐廳室內食完飯之後都轉左上去天台位置繼續飲嘢😎雖然當日天氣有點熱，但係坐喺rooftop 其實一啲都唔覺得翳焗，除咗有海風之外，餐廳都安排咗好多冷風機喺呢度調節溫度，情況許可下，其實我會喜歡坐天台多啲，個感覺有啲似喺芭堤雅海邊嘅餐館，望住bartender 調酒，聽住音樂，成件事好chill💁🏻♀️Thai Beef Tartare with Bone Marrow泰式牛肉他他拌牛骨髓嘅味道有別於出邊西餐廳食到嘅咁creamy，呢一度加入咗泰式嘅做法，食落酸酸地又帶啲香料嘅風味，仲有青檸嘅清新，咬落有口感，將他他醬塗抹於薄脆片上面食幾開胃，而且份量都唔少㗎💁🏻♀️Goi Cuon Salmon Rice Paper
星期五放工，例牌都要鬆一鬆☺️有陣時收工之後真係想好好休息吓飲杯嘢放空一下自己😉而家有好多餐廳其實都有埋酒吧，可以食飯飲酒一條龍唔使四圍轉場，餐廳仲可以幫你配搭一下食物同埋適合嘅酒精飲品🤓所以上個禮拜五，我就book咗枱去尖沙咀呢一間人氣嘅泰式餐廳食飯兼飲杯嘢，餐廳有分室外位置同室內位置，天氣涼啲嘅話坐出邊可以望住維港海景，成件事好浪漫啊☺️
當晚我喺餐廳室內食完飯之後都轉左上去天台位置繼續飲嘢😎雖然當日天氣有點熱，但係坐喺rooftop 其實一啲都唔覺得翳焗，除咗有海風之外，餐廳都安排咗好多冷風機喺呢度調節溫度，情況許可下，其實我會喜歡坐天台多啲，個感覺有啲似喺芭堤雅海邊嘅餐館，望住bartender 調酒，聽住音樂，成件事好chill💁🏻♀️Thai Beef Tartare with Bone Marrow
泰式牛肉他他拌牛骨髓嘅味道有別於出邊西餐廳食到嘅咁creamy，呢一度加入咗泰式嘅做法，食落酸酸地又帶啲香料嘅風味，仲有青檸嘅清新，咬落有口感，將他他醬塗抹於薄脆片上面食幾開胃，而且份量都唔少㗎
💁🏻♀️Goi Cuon Salmon Rice Paper Rolls
三文魚米卷入面包住嘅係用咗泰式醬汁醃製過嘅三文魚刺身，仲有爽口嘅青瓜同埋蘿蔔，外皮咬落煙煙韌韌又好香米味，少少旁邊辣辣地嘅醬汁食都幾惹味，我覺得最正係佢呢一個米卷絕對唔似前菜嘅感覺，反而有啲似主食，配一啲比較dry少少嘅酒精飲品應該幾唔錯👍🏻💁🏻♀️Flank Steak with Tomato Butter Risotto
主食方面，我哋叫咗兩個主菜share一齊食，呢一個risotto 個醬汁係用咗蕃茄醬再拌埋忌廉汁製成，同樣地係食到唔少香料嘅味道，例如九層塔、檸檬葉等，感覺好易入口同埋好清新，上面嘅牛肉應該係用慢煮製成再煎香，咬落好軟腍，但係外層有招脆嘅口感，唔需要點任何調味都好好食啦
💁🏻♀️Thai Crispy Pata
本身唔知叫咩好，店員就推介我試吓佢哋嘅pata，原來即係脆豬手😂超大份，我覺得兩個人食都完全唔過分，豬手外皮好脆，入面嘅皮脂充滿膠質，呢個時候就梗係要飲啤酒中和一下油膩感覺，佢入面嘅肉都煮到好軟腍腍，點埋旁邊嘅甜酸醬就最啱不過，連旁邊嘅沙律菜都好好食，用咗黑醋汁拌碟，如果唔介意旁人嘅目光，真係好想拎起舊骨頭嚟咬😂因為旁邊仲有好多膠原同埋好多筋膜都好惹味㗎🤭
💁🏻♀️Damn Pissed Off!
食飯嘅時候唔想飲咁濃烈嘅酒精，所以我哋兩個人叫咗唔同嘅Cocktail試吓，因為呢一度嘅雞尾酒其實好有名㗎😌好多人專程過嚟打卡😜第一杯嘅Damn Pissed off 外型十分可愛，佢係用咗一個浴缸造型嘅杯裝住Vodka同埋熱帶果蓉製成嘅Cocktail，入口Fruity 而且解渴，仲好打卡able，旁邊仲有隻鴨仔添😍
💁🏻♀️No More OT Please!
雖然我好少OT，但係我都希望以後都唔使OT🤓店員推介嘅呢一杯Cocktail都係味道較香甜，用咗一隻雀仔造型嘅杯裝住，入邊有石榴汁、檸檬汁等調味，酒味比較上濃少少，我覺得作為pre-drink 既cocktail 黎講仲可以濃多少少🙂↔️不過其實我哋食完飯之後都轉左去天台度繼續飲🥰圓滿嘅Happy Friday
張貼
