Layback Cafe & Bar

營業中

休息中

今日嚟到呢間好似係食fusion嘅Cafe 一嚟到見到前菜有四川甜辣雞翼，已經覺得好有趣，就嗌咗一個。係甜辣，佢好多花椒，有少少麻辣嘅感覺，但唔會超辣。 第一次食四川style嘅炸雞翼，好特別，幾好食。仲有龍蝦意粉，佢呢度意粉可以加$15就轉做翠玉瓜麵，啱晒我呢啲要減肥嘅女仔，有時唔想食意粉嘅話就可以轉翠玉瓜麵！！ 值得一讚。個翠玉瓜麵仲係有啲爽口，唔會好淋身，亦都冇奇怪嘅味道。龍蝦肉好彈牙，個汁好濃郁，連埋啲蟹籽，成個口感都好好。 跟住仲叫咗一杯開心果 Dirty , 同埋開心果巴斯克蛋糕。 個蛋糕唔會好甜，好重芝士，同埋開心果味。 好好食。