影片
更多
2022-10-07
353 瀏覽
🔸️大圍小館 🌍 中菜📍大圍積福街92號地舖大圍冇乜地方飲好茶，同屋企試下呢間好多人等位既餐館。夜晚食小菜都真係幾好，難得放假黎試下點心先。🗨️ 奶皇千層糕喺冰花蛋球同千層糕之間，我揀左千層糕。餐館冇切開四件，用筷子分開會容易整散，不過真係好好食，呢味唔係度度地方都有得食。下次一定要試蛋球，因為1日12個，限量發售，見隔離枱嗌左，真係好大個。🗨️ 手拉布腸粉我媽咪最中意食齋腸，我就一般。但呢間啲腸粉真心滑，非常正，亦會比麻，甜醬自行點食，估吾到咁高質！🗨️ 甜梅菜叉燒腸一共有三條，腸粉皮好薄，餡料都好足，好味～🗨️ 懷舊煎糯米雞睇相就知裏個餡料非常足，外皮煎得好脆，食落口嘅時候卜卜聲架🗨️ 仁稔蒸排骨食落口有怪味，上網查先知係仁稔呢樣野，東南亞野，長知識。但係我地一家唔啱食，最後老豆清左佢🗨️ 吊片肉餅煲仔飯呢樣最先到，夠熱，煲仔好乾淨，無咩飯焦，老豆稱讚豉油做得好好整體很滿意，怪唔知成日都有人未開店就排定隊。中午都可以叫必食既叉燒架！埋單$316，其中有長者可免茶位，下次必定再來！PS: 睇番原來一年前黎飲過茶，現在質素更好👍🏻
📍大圍積福街92號地舖
大圍冇乜地方飲好茶，同屋企試下呢間好多人等位既餐館。夜晚食小菜都真係幾好，難得放假黎試下點心先。
🗨️ 奶皇千層糕
喺冰花蛋球同千層糕之間，我揀左千層糕。餐館冇切開四件，用筷子分開會容易整散，不過真係好好食，呢味唔係度度地方都有得食。下次一定要試蛋球，因為1日12個，限量發售，見隔離枱嗌左，真係好大個。
🗨️ 手拉布腸粉
我媽咪最中意食齋腸，我就一般。但呢間啲腸粉真心滑，非常正，亦會比麻，甜醬自行點食，估吾到咁高質！
🗨️ 甜梅菜叉燒腸
一共有三條，腸粉皮好薄，餡料都好足，好味～
🗨️ 懷舊煎糯米雞
睇相就知裏個餡料非常足，外皮煎得好脆，食落口嘅時候卜卜聲架
🗨️ 仁稔蒸排骨
食落口有怪味，上網查先知係仁稔呢樣野，東南亞野，長知識。但係我地一家唔啱食，最後老豆清左佢
🗨️ 吊片肉餅煲仔飯
呢樣最先到，夠熱，煲仔好乾淨，無咩飯焦，老豆稱讚豉油做得好好
整體很滿意，怪唔知成日都有人未開店就排定隊。中午都可以叫必食既叉燒架！埋單$316，其中有長者可免茶位，下次必定再來！
PS: 睇番原來一年前黎飲過茶，現在質素更好👍🏻
張貼
