龍亭

招牌沙律上碟係做得幾靚，三文魚沙律菜再配埋佢個黑醋汁口感清新，最後配埋個龍珠果，酸酸甜甜咁幾好味。入門廚師發辦套餐五道菜啤酒做緊買一送一，同埋可以近距離見到師傅處理食材，食落去都好味好多。師傅將啲海鮮落鐵板之前會介紹有咩種類嘅食材，另外加咗大虎蝦。虎蝦還原返個蝦形，咬落去勁彈牙同埋勁重蝦味超級好食，個蝦頭超重蝦膏同埋煎到好香。鮑魚配埋個蒜蓉醬味道啱啱好，再加少少師傅特製嘅蝶豆花泡沫令到個層次感豐富，東星斑個皮都煎到好香口，魚肉勁滑。帶子勁creamy同厚肉，元貝勁香牛油味，師傅煎得啱啱好。鐵板牛肉一定正，呢度嘅食材全部都好有質素，幾鍾意佢個特製蒜片。個鐵板海鮮炒飯，見到啲米飯喺鐵板上面一粒一粒咁彈吓彈吓，炒得勁乾身勁好味，食埋個雪糕勁滿足。