金和潮菜

營業中

休息中

今日同屋企人話想識鹵水鵝 所以搵咗間潮州嘢 除咗有鹵水 佢仲有打冷 小菜 炒粉麵等等鹵水鵝片鹵水汁個膽應該都係鹵咗好耐 因為食得出啲肉好入味 唔會死鹹 食到香料味道 鵝片亦切得厚薄適中 食落仲有汁水 仲有鹵水豆腐墊底金銀蒜蒸開邊蝦籠仔飯 面頭大概有十邊開邊蝦 啲蝦都算新鮮 食落口係彈牙同甜嘅 籠仔飯嘅飯係炒咗底嘅飯 始終係蒸飯 所以食落有啲濕 但味道都唔錯 如果可以轉做糯米飯做底就更啱我口味喇金沙鮮魷我自己包都好鍾意食鹹蛋黃系列嘅嘢食 呢度嘅黃金鮮魷新鮮炸起外皮脆卜卜 之後佈滿咗炒香咗嘅鹹蛋黃碎 夠曬鹹蛋黃味 可以攞嚟撈飯除咗以上既餸之外 店員話仲有啲即係海鮮係餐牌上冇嘅 佢哋會即日有新鮮海鮮 而當日就有象拔蚌仔蟶子花甲等等 不過當日就唔想食海鮮所以冇試