渝味曉宇重慶老火鍋 (聚賢逸居) (已結業) 查看

又過左去西營盤探親戚，見到附近有間打邊爐，好似幾吸引咁，自稱邊爐控既我，竟然未試過中午打邊爐，所以決定入去試下。餐牌上款式好多，好多都好吸引想食，點餐之後，侍應就送上「紅棗雪耳糖水」俾我地滋潤一下。我叫左一邊係重慶麻辣，另一邊係羊肉湯，分開兩邊，岩晒唔食羊肉既我，鮮蝦一串串，算大隻，同埋好新鮮，啲肉透明，美國Prime牛小排既脂肪分佈好平均，正係睇到呢個樣已經急不及待想淥返一塊食下先。羊肉卷都好新鮮，蝦滑同桂花蚌好新鮮，睇見已經忍唔到手即刻放落個煲度，佢仲有提示教你淥幾多分鐘係最好食添～其他蔬菜品種都多，岩晒食完肥膩野食返啲蔬菜清一清個腸。呢間火鍋店依家推廣緊「生酮火鍋，食住瘦」，下次可以試下喎，呢排興「生酮飲食」我都要跟一跟個潮流～