金燕島潮州酒樓

營業中

休息中

屋企人中意飲茶，趁放假就同佢哋出遠少少，去到尖沙咀粵海酒店嘅一間潮州中菜館飲茶，上網睇係一間米芝蓮推介餐廳，所以都十分期待。食物款式都幾多點完餐冇耐，先黎功夫茶，茶味非常香濃。我哋叫咗一人一盅老火湯是日老火湯係 蟲草花燉雞湯水清澈少油，雞肉大細適中，係一口size，而且肉質好淋，加上蟲草花喝起上來特別清甜。滷水拼盤我哋叫咗鵝肉鵝腎，食潮州嘢又點少得叫滷水鵝，鵝肉浸完滷水，整體味濃香軟，散發鵝肉香氣，而且肉厚軟嫩，脂肪比例均勻，食起嚟非常滋味。鵝腎肉厚，肌肉有彈性，肉質緊密，而且滷水味道非常濃郁。家鄉煎筍粿粿皮外層金黃酥脆，內層較柔軟，餡料包滿竹筍、豬肉、香菇、蝦米，非常飽滿，有層次感，有少少調味已經好夠，竹筍鮮美甘甜。潮州糯米卷糯米卷外皮軟熟，糯米飯夠乾身、粒粒分明，口感煙韌有咬口，味道香甜，配埋花生味道更香。香軟炸油粿炸油粿色澤金黃，表皮香脆軟糯，有番薯香味，餡料豐富飽滿，包括：有花生碎同芝麻，味道香甜，一啲都唔油膩。