金燕島潮州酒樓

夏季RW 贏家版開鑼！由依家起至10月12日，有100間高質餐廳可以試～ 另外今次仲第一次新加咗金筷薈系到，幫大家精選60+間中菜館，間間都有好有特色，今次我就揀咗金燕島潮洲酒樓，晚市$398 就有6道菜，食飽食滿🤤📍馳名潮州滷水拼盤滷味入味而且鵝肉嫩滑，豬腩肉蛋同豆腐吸晒滷水味道濃郁📍傳統咸菜胡椒豬肚湯湯底鮮甜帶胡椒香辣，豬肚彈牙，暖胃味道有層次📍紅燒菊花石榴雞潮州菜其中一道經典手工菜，外型係一個小包，包包外邊既薄蛋皮就係最考師傅功夫最難整，而入面就有雞肉/海鮮/齋菜等等既材料，食既時候配埋紅燒湯一齊食啖啖都精緻又滋味🤤(但成道菜根本同菊花石榴完全無關?) 😂📍蘿蔔肉排春菜煲蘿蔔鮮甜，肉排入味濃郁，加埋春菜黎食剛剛好📍家鄉潮州炒河炒得有穫氣，河粉彈牙味道鹹香香口 📍福果清心丸綠豆爽甜品清新解膩，綠豆爽滑口配埋Q彈清心丸好夾📍潮洲酥皮月餅我地仲試咗兩款口味月餅，豆沙同綠豆蓉…查看更多

我哋book 左夜晚8:15食飯，去到大概9:30嘅時候已經開始不斷咁樣暗示可以上蛋糕未，但嗰時基本上我哋都係食到八成咁，然後會過10分鐘又會問上得蛋糕未。去到9:55就直接同我哋講佢哋就快閂門，要上蛋糕㗎啦，我哋就問其實你哋係幾點閂門，佢話10:30。咁嗰陣時我哋已經見到其他枱都比佢哋趕緊走。最尾我哋因為食蛋糕嘅關係，10:15都仲係嗰度，但你見到冷氣都開始塞緊成間餐廳已經冇晒人，我哋嗰種感覺係好似阻住人收工。 所以我哋自己都好快咁樣走咗。最尾六個人食餐生日飯，每人$400，實際食用時間係少於兩個鐘 。其實如果你哋10點就真係閂門嘅話，希望你哋可以update返OpenRice，直接啲同事同我哋講10點就閂，我哋咪唔過嚟食囉，食到趕頭趕命又俾晒心理壓力我哋，其實真係嘢食幾好食都唔會再嚟。…查看更多

昨晚在金燕島的晚餐體驗非常好，從坐下就有功夫茶迎接，菜式豐富且精緻🍽️頭盤是鵝肉鵝件雙併，肉質嫩滑，醬汁濃郁🥢配四小併盤：蝦棗、蟹棗、海蜇、帶子，每一樣都各具特色，鮮美驚喜🍤併盤中間有一個用蘿蔔雕刻的壽星公，長長的鬍子，大大的笑容，生動活潑🎖️既精緻又有趣，瞬間成為了我們焦點，讓我們的晚餐變得更加有趣和難忘📷鹵水鵝腸，彈性十足，味道濃郁，超意外好吃🪿潮州𧐢烙外脆內嫩，裡面包著新鮮蠔仔，每一口都令人驚喜 🌮主菜登場：紅燒菊花石榴雞，雞肉軟嫩，醬汁搭配酸甜石榴醬汁，顏色吸引，清新滋味 🌼炸子雞金黃酥脆，肉質鮮美，是一道經典潮州菜 🍗生菜乳鴿鬆清新健康，脆生菜包著溫熱鴿肉鬆，口感層次分明🥗糖醋黃金伊麵酸甜收尾，完美🍜飯後再來一杯功夫茶作結，不僅是餐後的飲品，更是一種文化的體現 🍵金燕島潮州酒樓絕對是享受地道潮州美食的好地方👍…查看更多

潮州點心午餐星期日三人行去咗尖沙咀飲茶食午飯，都有好幾個月冇去過金燕島，所以特登去食潮州點心。潮州芋絲春卷春卷皮超薄好脆，但係有少少油沾唔夠乾身，春卷帶濃烈芋頭香氣，芋絲餡好鬆軟香口，比一般廣東春卷更加吸引。柱侯牛孖筋牛孖筋落紅辣椒吊味牛味道濃郁但唔咸，炆得夠腍口感軟腍癡牙，老人家好容易食得到。煎筍粿筍粒蝦米沙葛組合爽脆夠複雜，味道調校精緻好味，微微焦香帶淡淡筍味加上蝦米粒鮮味，味道e支班。鮮蝦煎水瓜烙餡料用鮮蝦花生韭菜再配水瓜絲口感特別，薯粉漿煙靭有咬口而且一啲都唔糊口，配料及煑法看似簡單，但好難整得好食，如果再煎多少少時間就更香口好味。潮州粉果外皮稍為厚大，蝦米筍粒花生用料配合恰當，味道稍為較淡，唔夠煎潮州筍粿香口好食。糯米卷外皮粉皮夠薄細緻，糯米入口煙煙韌韌略為過甜，外邊酒樓少見到可以嘗試當甜品。魚翅灌湯餃有得睇冇得食！四寶雞扎魚肚應該先用高湯餵煑濃郁鮮味超正，雞肉雞味稍淡但軟嫩多汁，而芋頭粉嫩兼吸收湯汁精華由配角變成女主角，雞扎滋味好食。…查看更多

好適合家人聚會嘅潮州菜館 勝在好多選擇 一大本菜單慢慢揀 總有一款適合家人口味整體嘅裝潢屬於傳統嘅中菜館 服務不錯 餐前仲送上功夫茶同鹹酸菜 個人比較推薦香煎䱽魚 韭菜粿 傳統嘅潮州味 䱽魚肉緊實新鮮 用香蔥同豉油煎到好香口 一份都有六件 好少骨 食落啖啖肉蠔煎略嫌薄身咗少少 如果可以厚身啲 食落嘅口感會更加滿足 蠔仔都新鮮大粒嘅 糖醋麵就略嫌唔夠脆口 偏軟身 個人比較喜歡圓形嘅糖醋麵 感覺外邊會脆口中間軟身 今次呢個方形 中間嗰一件就會完全唔脆口 不過不失啦 可叫可唔叫～…查看更多