牛大人台灣火鍋吃到飽 (鱷魚恤中心)

營業中

休息中

屋企人話請食牛大人，熬到7點入座非常肚餓。即刻電子落單叫咗一個台式嘅鹽酥雞同埋蜜糖台式腸醫肚😝 之後，我哋揀咗一個單鍋係紅燒牛骨湯湯底好濃郁。外邊有自助飲品吧同埋調味料站，超過50款以上嘅飲品。例如有佢哋嘅招牌白桃烏龍茶，又有荔枝茶等等。同埋我見到有滷肉飯不過驚自己食得太飽，所以就冇食到。牛肉方面，我哋今次係叫咗極上澳洲和牛，所以大家都係主打M5和牛。全部都係大大塊非常之新鮮同埋非常之嫩口。我屋企人冇牙都食到😂😂😂 所以我哋叫咗好多碟，初頭都驚佢哋食唔晒，但佢哋話咁好食點會食唔落🤣 之後我哋都叫咗啲海鮮，例如沙白同埋海蝦，媽媽話食海蝦好抵食😂😂 笑死我哋。同埋啲蝦都係大大隻的。牛肉叫咗超過10盤以上就嚟高過我哋個人🙈埋單呢餐都係三百幾蚊，價錢真係非常之合理同吸引🙈一定會再返嚟食。我仲寫咗意見書讚佢哋。因為啲員工服務態度都好好。最後要講一講甜品，因為佢哋呢排同咗Dreyers合作，有好多種唔同味道嘅雪條可以食，我自己揀咗加州士多啤梨味嘅脆皮雪條好好食😝 同埋有台灣嘅花生糖水都一樣好味，飽到你非常滿足。