瀛鍋

營業中

休息中

爸爸媽媽好鐘意打邊爐，今次去左九龍城瀛鍋食，真係岩晒帶住小朋友去！成家人一齊食飯更加開心！瀛鍋設有一大個play area，入面有好多個細廚房，啱哂小朋友玩，爸爸媽媽食火鍋都可以放心，等小朋友盡情投入遊戲世界，整個用餐過程輕鬆愉快。👨‍👩‍👧‍👦🍴野食方面，小食我地叫左椒鹽三文魚骨腩，佢炸得香脆！而三文魚刺身非常新鮮肥美！湯底方面，我地揀左鮮味卜卜蜆鍋蜆肉新鮮飽滿，湯底鮮甜且濃郁，加埋霜降肥牛肉，油脂分佈均勻，煮完嫩滑有肉味，真係非常滿足！🦐🥩其他推介包括美國桶蠔，味道鮮甜；手打四寶丸彈牙十足，鮮蝦水餃皇每啖都係蝦嘅鮮香；稻庭烏冬煙韌有嚼勁，吸滿湯底精華，非常滋味。整體嚟講，瀛鍋個play area真係好正！帶住小朋友一齊去絕對一流！而且佢亦都有獨立房間，所以如果誰有個寧靜獨立空間聚會，亦都可以選擇！