豐味窯雞

營業中

休息中

有幾愛叫雞🤣🤣平時食開都係香切雞、燒雞、炸雞！佢地話食到悶悶地啦！之前返大陸食過窰雞真係念念不忘，終於比我搵到香港有勁相近味道嘅窰雞，一於order隻返屋企比佢地享受下！地點好方便，地鐵站步行幾分鐘就到！店內有幾個瓦缸專門用黎製作窰雞，咁樣嘅烹調方法可以令隻雞保留到原汁原味，而且店家仲好細心有錫紙包好曬及保溫袋放好，配埋食雞工具「手套🧤」就最正！攞到返屋企隻又肥又大大隻嘅窰雞仲係熱辣辣架，真係好彩有埋手套咋，一打開隻雞係金黃色，啲雞汁流緊出黎，聞都聞到好香獨門香料味道，雞皮香脆入面嘅肉質仲係好嫩滑，夠曬色香味俱全呀，小朋友仲好開心慢慢手撕雞黎食，仲話每一啖都要蘸嘅雞汁咁覺夠入味添！🐥豐味窯雞🐤#窯燒雞 #高質 #外賣店 #香港美食 #抵食 #觀塘美食 #人氣 #打卡 #foodie