豐味窯雞

之前親友上大陸都會專登買窯雞返香港，一直心思思。終於發現觀塘工廈入面呢間專賣店「豐味窯雞」，一試之下，真係有「相見恨晚」嘅感覺！鎮店之寶「原味窯雞」賣相與香氣：用錫紙完整包住，一打開熱氣騰騰，香氣真係無得頂，未食已經流口水！肉質與口感： 雞肉嘅軟嫩程度絕對無誇張！用筷子輕輕一夾，真係做到「骨肉分離」，非常方便食用。最驚喜係肉汁極之豐富，一啲都唔乾唔柴，睇到肉汁好似瀑布咁滴落嚟，畫面感十足。味道： 調味係鹹香之中，帶有淡淡嘅中藥材香氣，味道完全滲透入晒每一絲雞肉裡面。連平時最怕鞋烚烚嘅雞胸部位，都一樣入味同嫩滑，就咁食已經超級滿足，完全唔需要點任何醬汁。服務與安排：因為係即叫即製，保證新鮮熱辣，但繁忙時間真係要等一陣。強烈建議大家先致電預訂，慳返唔少等候時間。依家仲見到佢外賣自取有幾款優惠，都幾抵：· 買原隻窯雞，可以用 $1 優惠價 加購每日精選甜品。· 川式口水雞飯 或 殿堂級蔥香雞飯 外賣自取優惠價 $39。，／…查看更多

成日上網都見到有好多人介紹觀塘隻窯雞，襯去開觀塘，順便整隻雞返屋企加餸🤣真係估唔到隔住個袋都有香氣滲出🤤店員用咗錫紙+保溫袋，全隻雞都保留住溫度，帶返屋企仲熱辣辣👍🏻店員仲提供埋手套同埋辣椒粉俾我哋，超級窩心設計👍🏻原來一隻雞都超大隻，雞肉超嫩滑，就算雞胸位都唔嚡👍🏻一啖咬落去勁多雞汁流出🤤食到👧🏻停唔到口🤣剩返個雞殼同雞汁我哋都冇浪費，雞殼用嚟熬湯☺️雞汁留返第二日煮其他嘢食，食盡全隻雞🤭…查看更多

知道觀塘工業中心一期7樓G室B房的豐味窯雞，係一間專注外賣嘅隱世小店，主打高溫窯烤雞，唔設堂食但外賣包裝一流，用多層錫紙加保溫袋，附送棉質同膠手套，方便衛生又保熱。呢度專攻外賣自取，適合觀塘街坊或附近上班族叫外賣，性價比高。今次外賣叫咗原隻豐味窯雞，熱辣辣，揭開錫紙即刻香氣撲鼻，洋蔥蒜頭調味足，帶點蔥香同微辣，雞皮焗到金黃微焦，咬落脆脆但唔硬，內裡雞肉嫩滑多汁，啖啖爆汁，肉質鮮甜入味，唔會過鹹或柴，窯烤火候掌握完美，保留住雞汁同香料精華。無論手撕定配飯，都超滿足。最抵玩係外賣自取優惠：買原隻窯雞，即可以用$1優惠價加購每日精選甜品（冰粉），今次試咗冰粉，清涼滑溜，，甜度適中解膩，食完雞之後當甜點一流，感覺超值優惠！…查看更多

估唔到工業區竟然有間咁高質嘅外賣雞店！叫咗半隻窯雞，皮脆肉嫩，用匙油整得香噴噴，油香滲入雞肉，每啖都好惹味。第二樣叫係口水雞飯，辣中帶香，醬汁用嚟撈飯一流，真係食唔停口。又送埋紫菜湯，湯清甜解膩，有肉味，簡單。食得利又有酸菜解利☺️。成份外賣比想像中有驚喜，雖然係外面等咗一陣🙈，因為即叫即整，但係值得😁。價錢合理，份量足，下次會再食！不過下次會買原隻窯雞，因加一蚊就可以買埋甜品。下次識醒😂。…查看更多

經過開觀塘shopping，心血來潮想買返窯雞外賣返屋企，就想起之前食過嘅「豐味窯雞」，買到返屋企都係咁好味！肉嫩帶煙燻香，連雞胸都唔鞋口，蘸少少自家椒圈豉油，辣香提鮮，即刻食晒。我仲買左$39的「殿堂級蔥香雞飯」——外賣價真係非常平，佢仲係飯盒同埋蔥香雞分開打包。一打開盒雞已經蔥香撲鼻，入口甘甜，窯雞皮脆肉滑，蔥油香而不膩，性價比贏晒區內連鎖店。總結這間豐味窯雞，真係打工仔食堂，平靚正，食過返唔到轉頭，下個禮拜再幫襯！…查看更多