影片
更多
2021-05-14
147 瀏覽
本身經過呢間食店幾次, 但自己又唔係特別喜歡拉麵, 所以無食過, 但好彩K11 Musea 做咗推廣, 食200減100, 真心無一個商場咁大優惠(通常咪300-100), 仲要限定店舖好鬼老肚, 講時講我仲有張另一個大型商場, 我見佢食滿500就有100卷送, 咁我差小小咪叫個甜品, 點知攞完, 得4-5間用得, 仲要係200-50，另一張50係其他店, 真係攞嚟無用早知唔叫個甜品, 唔好意思離咗題!!因為有呢張卷我就同咗我另一半食(佢都鐘意食拉麵) 入座咁啱比咗個角位坐係有度似窗嘅隔門係枱面（太好唔係透明膠版, 即係你打開枱上嘅門就可以4人坐, 好有日本FEEL呀, 我地叫咗個芝麻辛辣拉麵(皆因佢好彭爆嘅京蔥係面) 食落去佢係唔係日式拉麵嘅湯底, 但因為有花椒啲香又有點辛辣所以我覺得幾好食, 而且佢店舖有部似係製作麵嘅機, 咁樣就新鮮製造, 我係一個唔鐘意食拉麵嘅人, 我覺得佢都幾好食(不過可能對日本拉麵好鐘情嘅人可能就覺得佢唔夠日式) 銀鱈魚西京燒定食, 一嚟到好豐富, 有個蟹肉絲魚子沙律, 食得出好新鮮嘅沙律菜, 而且係雪櫃啱啱攞出嚟果隻(有時啲沙律因為太多人佢會放咗出嚟, 唔
因為有呢張卷我就同咗我另一半食(佢都鐘意食拉麵)
入座咁啱比咗個角位坐係有度似窗嘅隔門係枱面（太好唔係透明膠版, 即係你打開枱上嘅門就可以4人坐, 好有日本FEEL呀, 我地叫咗個芝麻辛辣拉麵(皆因佢好彭爆嘅京蔥係面) 食落去佢係唔係日式拉麵嘅湯底, 但因為有花椒啲香又有點辛辣所以我覺得幾好食, 而且佢店舖有部似係製作麵嘅機, 咁樣就新鮮製造, 我係一個唔鐘意食拉麵嘅人, 我覺得佢都幾好食(不過可能對日本拉麵好鐘情嘅人可能就覺得佢唔夠日式)
銀鱈魚西京燒定食, 一嚟到好豐富, 有個蟹肉絲魚子沙律, 食得出好新鮮嘅沙律菜, 而且係雪櫃啱啱攞出嚟果隻(有時啲沙律因為太多人佢會放咗出嚟, 唔凍又會小小暖. 佢個西京魚味道唔錯, 仲好大件, 不過一吉入去有啲淋淋地嘅感覺, 我唯有叫一叫職員比佢睇下係款魚本身係咁嘅質地定有問題, 職員好好睇完都話要換過一塊, 雖然後來嗰塊係細小啲, 但呢件就真正銀鱈魚會可以一片片咁食, 而且唔使夾醬都己經好食, 而且飯上面會有啲飯素, 飯質又係好好似番日本食嘅米
信州白葡萄汽水叫佢嘅原因, 係佢仲有店鋪優惠叫飲品, 可以半價叫小食, 咁我都叫下先咁抵
自家製吉列炸蠔直頭正添, 首先蠔夠大, 炸到剛剛好, 外面脆到不得了, 而且粉唔厚, 入面啲蠔係好JUICY, 一口熱呼呼地食好爽
PS: 我食完呢條銀鱈魚定食, 一定要戴下我媽咪嚟試多次, 佢一見到咁豐富嘅定食不知幾開心, 我再一次叫番同樣嘅菜式, 原來唔好拉麵嘅人就會唔抗拒食我揀呢款拉麵(當然要喜歡多京蔥同花椒香嘅人) 蠔嘅水準仍然一樣添…Keep Keep 住呀
11 瀏覽
0 讚好
0 留言
張貼
