金色不如帰 (又一城)

營業中

休息中

由開鋪到依家都有keep著幫襯，味道水準都無咩點變！試哂所有款嘅拉麵，最欣賞嘅都係貝汁醬油拉麵。湯底食得出有貝類海鮮味，味道好豐富，再加上有牛肝菌油，令成個湯底再昇華，係喺香港少數會食咁多次都再會幫襯嘅拉麵店。不過服務態度可以改善吓，假日店面人手好似唔太夠，想搵人落單都有啲難度。有次平日去食，要求松露油另上，畀個店員大大聲講左成分鐘話我加重佢地工作，話有小朋友先幫另上，聽到我O哂嘴，係咪欺負我一個女仔唔敢出聲。我畀咁嘅價錢，唔係40$街邊車仔麵，估唔到要咁畀佢話，做唔到我要求咪講，做客畀佢咁樣大大聲講，真係有啲嬲…所以服務方面有待改善。