金色不如帰 (又一城)

九龍塘食晏冇咩特別多選擇，一個人咁啱想食拉麵就快快食一碗貝汁醬油拉麵，晏晝2點幾，唔多人，落單後好快有得食，佢地嘅拉麵一般都100幾蚊一碗，都算比較貴，麵嘅硬度適中，湯底幾清爽，唔會太咸，但略嫌配料有啲少，麵量唔多，食完唔太夠飽..但味道整體可以接受，但性價比就唔高咁lo。…Read More

聽講呢間餐廳啲蠔拉麵好出色，咁啱今日去開又一城又有分店所以就去試試看。我哋有事先OpenRice book到，去到人數唔算多，我諗坐咗一半都冇，但係竟然喺門口企咗成5分鐘都都冇人出嚟招待過我哋。最後係煮緊拉麵嗰位師傅見到我哋企咗好耐都冇人理過我哋先幫手叫同事出嚟。入到去坐低打開餐牌，發現原來呢間並沒有蠔嘅拉麵，只有一啲好基本嘅鹽味拉麵，醬油拉麵。咁都唔緊要啦，見呢間餐廳咁出名，由日本開到嚟香港，都應該會好食嘅。拉麵到咗，賣相的確係唔錯，但係食落口確實非常非常普通。兩款味道差不多，而且份量都好細。兩片豚肉好嚡好實。性價比實在唔高。都算係一間可一不可再嘅拉麵店。…Read More

#20250611 🤍📍 #金色不如帰 @konjikihototogisuhk九龍塘達之路80號又一城LG2樓LG2-25號舖 🍽️尖沙咀｜中環｜黃竹坑均有分店➖➖➖➖➖➖➖➖➖➖➖➖➖➖➖➖➖#涼拌黑松露紋甲墨魚 $70💭 呢個小食都算係一個驚喜，面頭有洋蔥、青瓜絲做精美擺盤，底下有十舊左右既墨魚肉啦，配上酸酸地既汁，爽口彈牙又開胃，呢個價錢買到咁既質素係幾值得🐙.#煙熏黑椒豚骨拉麵 $115💭 個碗夠哂大，但唔係好飽，叉燒得一塊薄薄地嫌試味都唔夠，配菜例如蛋果啲係要自己加錢tim，本身跟既配菜得蔥同肉碎😅麵係幼身既麵，最主要係配個湯底，香濃黑椒配個豬骨湯都唔錯，算係呢個拉麵最值得回味嘅野🍜.#九龍塘美食 #🐷在九龍塘 #尖沙咀美食 #🐷在尖沙咀 #中環美食 #🐷在中環 #黃竹坑美食 #🐷在黃竹坑 #🐷_食 …Read More

一碗$115嘅拉麵，咩餸都冇除咗一塊薄切嘅豚肉叉燒，仲要係鞋嘅，麵就得幾啖。去大家樂食碗叉燒飯都冇咁嬲。想做傻仔就嚟啦！A bowl of ramen for $115, with no toppings except for a thin slice of pork chashu, and it's tough. There are only a few bites of noodles. Even eating a char siu rice bowl at Café de Coral wouldn't make me this angry. If you want to feel like a fool, go for it! 👎…Read More

諗住依間野都叫過江龍會ok，不過真心失望左。身為和牛控既我心血來潮去試佢嗰個A5有田黑毛和牛，今次嘅經驗，令我知道叫和牛唔好同湯麵一齊叫，成件事係靭曬，咬唔爛🥲浪費左兩塊和牛～同埋冇諗過會有塊鴨胸😂鴨胸反而仲好食～溏心蛋都幾好，正常發揮。男朋友係拉麵控，佢叫左個貝汁醬油拉麵話有啲鹹～佢都失望左。不過服務都唔錯既，隨時有店員招呼，野食都黎得快，凍烏龍茶好飲（有茶葉👍🏽）。環境唔錯，坐得舒服。不過未必會encore🫣…Read More