宴 尖沙咀

一諗起日式放題就會諗起尖沙咀呢間宴性價比高，菜式又多樣化，價錢亦合理！而且食物質素好高質好好食！絕對容易食番本！每次食完都覺得好正，已經介紹過無數朋友嚟食必點嘅人氣套餐：竹餐每位客限定1盤：三點刺身拼盤+當日雪糕其他都可以免費任食，仲會免費送半隻松葉蟹同埋一隻磯煮鮑魚（每位客限定送一次）湯底一定要係豉油湯拼豬骨湯，先至食得出食材嘅鮮味！三點刺身拼盤咁多刺身最鍾意就係甜蝦，其他放題舖頭個甜蝦係冇蝦頭嘅！蝦頭入面嘅蝦膏超多，好鮮甜好食！甜蝦都好新鮮爽嫩！好好食！其他魚片都係好正，一咬落去個啲油脂喺口入面噴曬出嚟！有驚喜！🆓松葉蟹 & 磯煮鮑魚初頭以為免費送嘅鮑魚會好細隻嘅，點知佢肉質結實得嚟又冇縮水。大大隻，好入味！另一個賣點松葉蟹！蟹肉落咗落湯底度，令到個湯底即刻香氣十足！好鮮甜！蟹肉仲好彈牙，好新鮮，一點腥味都冇想食番本梗係要多refill特選宮崎和牛，平時要多食和牛都要擔心荷包君會受傷，而且呢度嘅和牛畀嘅一點都唔敷衍，肉片油脂四溢，煮到七成熟之後，加埋靈魂醬汁一齊食，簡直一試難忘個人最愛嘅日本雞肉，放入任何一種湯底都好好味，而且仲特別快熟。熟咗之後容易吸收湯汁，一點都唔會鞋，仲好Q彈