鮨一 (厚福街)

營業中

休息中

鮨 一 沙律 見個名有舖頭名應該就係招牌菜。真係幾有特色嘅沙律🥗裏面有各色各樣切左粒嘅刺身。例如：牡丹蝦、白身魚、帶子同蟹籽等等☝️。面頭一大個日本蕃茄，底層係沙律菜。好豐盛，視覺同味覺都可以滿足到。特上十貫目 嘩😳十件壽司🍣都好靚仔。係見到賣相都覺得好好食嘅果種。唔係得個樣，味道同外貌係相符的。吞拿魚腩嘅肥美係入口即溶。海膽好creamy味道好rich又甜甜地。其他都係新鮮好味😋。什錦天婦羅(三蝦四菜) 有3隻蝦4款蔬菜🥬。炸得鬆脆。甲羅燒 香濃蟹糕配烤麵包，蟹糕咸香味美，同麵包都好夾，如果單食就會偏咸。味噌煮牛舌 好多舊厚牛舌，軟軟冧冧，味增湯好香又唔會過咸。