田記魚蛋牛腩專門店 (塘尾道) (裝修中)

同朋友去太子行街買野，之後朋友話想食河粉，甘我就同佢行左黎塘尾道呢邊既一間叫田記魚蛋牛腩專門店既粉麵店度食野，餐廳職員都好友善，而且仲即時埋黎幫我地落單，買外賣既客人都唔少嫁，呢度食物款式選擇都好多，價錢親民，坐低左之後就叫左一碟淨崩沙腩加蘿蔔底，腩汁味濃，崩沙腩肥瘦適中，有咬口又好淋，蘿蔔都好入味，而且好夠份量大大碟，我地仲叫左一碗魚蛋河，魚蛋圓潤彈牙，有魚肉味，朋友叫左一碗雲吞河，雲吞都幾大粒，下次可以再同其他朋友黎食其他款。