影片
更多
2023-09-19
174 瀏覽
幾年前食過呢間川菜覺得好食之後，幾個月前又見佢哋有出d午市套餐，有前菜、湯水、主菜、飯麵同甜品，仲送碟菜，都只係百幾蚊，咁抵梗係要再去！餐廳的位置星期六日都唔多人，所以我呢幾個月食左2次基本上都係包房咁，侍應們的服務都非常周到，可以慢慢坐，啱晒同屋企人來。環境正常，比較務實類型，不過坐得幾舒服。-✅椒汁鮑魚。雖然入面好多都係唐芹，但鮑魚比的份量都唔少。鮑魚爽彈，味道較麻，有青辣椒的後勁😉 可惜第二次食覺得有小小腥…-✅麻辣豬耳絲。豬耳切到超級薄，十分爽脆。味道比一般麻辣豐富，好似有d豆豉味咁。切到咁薄更入味+可以連埋其他生洋蔥等配菜食😌-✅✅竹炭脆皮鴨血。一粒粒黑色的好似炸豆腐咁，但咬開係鴨血😱 保留鴨血滑嫩的口感，竹炭外皮酥脆酥脆，食到d竹炭粉的感覺，好創新得意，而且好夾😬-✅✅招牌時令湯/銀絲酸辣羹。時令湯係五指毛桃煲豬肉，超級甜😳顏色好似南瓜湯咁，好有豬肉的味，感覺熬左好耐，非常滿意🤍 酸辣羹夠酸夠辣，入面非常多料，每啖都有蝦肉、木耳，魚唇等等，味道夠又足！-✅✅✅黃菊酸菜桂花魚。最愛呢到的酸菜魚！口味夠酸帶甜，好多鹹酸菜，仲帶小小麻感，又唔會好味精🤤 入面有d萵筍同菇索湯。仲有
-
✅椒汁鮑魚。雖然入面好多都係唐芹，但鮑魚比的份量都唔少。鮑魚爽彈，味道較麻，有青辣椒的後勁😉 可惜第二次食覺得有小小腥…
-
✅麻辣豬耳絲。豬耳切到超級薄，十分爽脆。味道比一般麻辣豐富，好似有d豆豉味咁。切到咁薄更入味+可以連埋其他生洋蔥等配菜食😌
-
✅✅竹炭脆皮鴨血。一粒粒黑色的好似炸豆腐咁，但咬開係鴨血😱 保留鴨血滑嫩的口感，竹炭外皮酥脆酥脆，食到d竹炭粉的感覺，好創新得意，而且好夾😬
-
✅✅招牌時令湯/銀絲酸辣羹。時令湯係五指毛桃煲豬肉，超級甜😳顏色好似南瓜湯咁，好有豬肉的味，感覺熬左好耐，非常滿意🤍 酸辣羹夠酸夠辣，入面非常多料，每啖都有蝦肉、木耳，魚唇等等，味道夠又足！
-
✅✅✅黃菊酸菜桂花魚。最愛呢到的酸菜魚！口味夠酸帶甜，好多鹹酸菜，仲帶小小麻感，又唔會好味精🤤 入面有d萵筍同菇索湯。仲有寬粉，煙煙韌韌😚 用左貴價的桂花魚(食過咁多地方暫時只有呢到用呢隻)，有魚味得來唔腥，好滑，肉感好好，魚皮厚厚😋落重本的🐟
-
✅✅滷水鵝肉拼盤。有鵝翼、腩肉、雞蛋、墨魚等，每樣都有3、4件😚 滷水汁滷得入味，花椒八角味比較出，唔過鹹。鵝翼煮到一損就甩；腩肉肥而不膩。墨魚口感正。如果唔食得辣的朋友，呢碟都值得叫🤪
-
✅✅XO醬海皇炒絲苗。覺得可以炒得更乾身🙈 不過好足xo醬，飯都分明，夠鑊氣。加埋菜頭一齊炒，清新d，口感又爽口啲。仲真係有好多蝦肉的🦐 係好食的炒飯!
-
✅✅蛋白杏仁茶/清心丸綠豆爽。杏仁茶煲得好綿滑，濃度剛好，杏仁味唔會太特出，感覺有d奶中和下，我麻麻地杏仁味都喜歡😘 綠豆爽落左馬蹄粉，質地濃稠好黏，味道清淡，不過有粒粒綠豆的咬口+清心丸的煙韌，口感正😀
-
多幾個人來每人叫唔同款，成枱都係會好開心，食足咁多味菜，係超級飽🤣 酸菜魚係我試過覺得最好食最啱我口味的！而其他菜式都一定有質素保證！(我成日睇呢到個總廚上hoytv教煮飯🤭) 有興趣的記得book定位食la！
張貼
