龍亭

位於佐敦寧波街嘅龍亭，係專食日式鐵板燒嘅餐廳🥰 餐廳隔籬係好出名嘅佳佳甜品，離地鐵站唔遠，好易搵到😂 但餐廳個門口就神秘少少，唔係咁起眼，撳咗門鐘無耐，店員就會開門招待我哋入座，今日同朋友慶祝生日，揀咗7道菜嘅季節廚師發板套餐🤭 餐廳入口有個大酒櫃，可以一眼望晒有咩酒飲😂 我哋配咗支菊正宗純米酒🍶🔸沙津沙律菜淋咗意大利柚子醋，味道酸酸甜甜幾開胃，上面舖咗菠蘿同三文魚，仲有格陵蘭魚子醬做點綴🤭 🔸前菜前菜用咗日本蘭王蛋做嘅溫泉蛋，蛋黃係好濃郁嘅橙色🤤 面頭依然有魚子醬做點綴，廚師話食法好似豆腐花咁，撈勻晒之後食👍🏻🔸2種鐵板海鮮我同朋友都揀咗唔同嘅海鮮🦞 我叫咗南非鮑魚同白鱔，朋友叫咗加拿大同東星斑，鮑魚彈牙鮮甜，面頭舖咗秘製蒜蓉醬👍🏻 白鱔配七味粉或者竹炭鹽味道好出色🤤 帶子配咗意大利黃瓜，口感清新😌 東星斑皮脆肉嫩又鮮甜，配埋醬汁都好好食🤭 碟邊配咗淡紫色嘅蝶豆花泡沫，食落鹹鹹地，廚師話可以點海鮮食提升鮮味😌🔸1種鐵板肉類我哋都係揀咗唔同肉😂 我叫咗宮城縣黑豚扒，朋友叫咗澳洲和牛柳粒，黑豚扒配咗蒜蓉牛油同菠蘿辣汁，我好鍾意個菠蘿辣汁，佢係果蓉口感，有啲似泰式辣汁嗰種辣味🥰 朋友嘅牛柳