影片
更多
2022-09-23
459 瀏覽
最近發現上環開咗一間中菜店，主打江蘇菜，格局華麗特別。就一行幾人去食個高級中菜！餐牌選擇多多，豐儉由人，我哋就揀咗一些主菜、點心、小吃等等，一同享用。坐低嘅時候已經有四款不同小食可以享用，過吓口癮～酒釀蒸銀鱈魚 $428 魚嘅時間啱啱好，口感非常香滑，加上熱辣辣嘅酒釀蒸汁，配搭好 match！加上表面有少少陪襯，好正。十二味扣牛肋骨 $438呢款未食之前，齋睇賣相已經見到好靚，擺盤一流。佢呢款牛肋骨除咗入味之外，質感仲好林，就算係脂肪都好好食！醬汁獨特，有鹹香不會是死咸。蔥花肉鬆芝麻大餅 $108 都係幾得意嘅款式，麵包鬆脆，加上肉鬆及蔥花等配料，飽肚之餘亦開胃。金箔黑松露小籠包 $168 估唔到個黑松露味咁香濃，皮薄餡靚，仲有金箔喺表面，加好少嘅醋已經好足夠！梅子美味醉雞$108 醉雞非常入味，最主要係好香滑，冇乜太多骨，食唔停。香菜帶子過橋水餃 6隻$88 一上枱嘅時候就已經好香，因為中間有好多香菜（芫荽）相當豐富！老陳醋酸辣湯$72 一位裏面都幾多材料，包括荀，木耳，肉等等，酸酸辣辣相當開胃。雪菜河蝦燴面$98一人份量，但係都有好多蝦同埋雪菜，個面比較多汁，但係同樣有彈性。香蕉高
最近發現上環開咗一間中菜店，主打江蘇菜，格局華麗特別。就一行幾人去食個高級中菜！
餐牌選擇多多，豐儉由人，我哋就揀咗一些主菜、點心、小吃等等，一同享用。
坐低嘅時候已經有四款不同小食可以享用，過吓口癮～
酒釀蒸銀鱈魚 $428
魚嘅時間啱啱好，口感非常香滑，加上熱辣辣嘅酒釀蒸汁，配搭好 match！加上表面有少少陪襯，好正。
十二味扣牛肋骨 $438
呢款未食之前，齋睇賣相已經見到好靚，擺盤一流。佢呢款牛肋骨除咗入味之外，質感仲好林，就算係脂肪都好好食！醬汁獨特，有鹹香不會是死咸。
蔥花肉鬆芝麻大餅 $108 都係幾得意嘅款式，麵包鬆脆，加上肉鬆及蔥花等配料，飽肚之餘亦開胃。
金箔黑松露小籠包 $168 估唔到個黑松露味咁香濃，皮薄餡靚，仲有金箔喺表面，加好少嘅醋已經好足夠！
梅子美味醉雞$108
醉雞非常入味，最主要係好香滑，冇乜太多骨，食唔停。
香菜帶子過橋水餃 6隻$88 一上枱嘅時候就已經好香，因為中間有好多香菜（芫荽）相當豐富！
老陳醋酸辣湯$72 一位裏面都幾多材料，包括荀，木耳，肉等等，酸酸辣辣相當開胃。
雪菜河蝦燴面$98
一人份量，但係都有好多蝦同埋雪菜，個面比較多汁，但係同樣有彈性。
香蕉高力豆沙$78 裏面真係有一半豆沙同埋一半香蕉，出面感覺鬆化，整體好吸引！
招牌雷沙湯丸$88 口感煙韌之餘亦都有少少林，好香甜，加埋清香嘅菊花茶，大滿足！
張貼
