雞朱寶

營業中

休息中

見到有人推介同佢主打都係豬扒雙蛋，我第一次都係食豬扒因為見有人叫都幾大塊，食完第一次係覺得好普通好乾，我覺得我去BBQ燒完果塊仲鮮嫩過佢🤣。本身唔打算encore，但我見到佢塊煎肉餅。作為肉餅控既我，決定下次試。隔左一排再去，叫個芝士黑松露煎肉餅，話要等半個鐘，照等！果然無失望，係好食到唔識形容。我搵到夢想中既肉餅，大大啖肉加黑松露，再加多塊芝士，簡直係天衣無縫。之後keep住都食過幾次，直到最近諗住再食果陣發現佢cut左煎肉餅，我一見到即刻走左，因為依間野除左煎肉餅其他野都好普通。我去食依間係因為我對依塊肉餅既期待，但依家無左，我諗我會去食返其他茶餐廳。我唯一既訴求就係肉餅，還返塊肉餅比我。