雞朱寶

營業中

休息中

身為屯門人，當然要周圍搵吓啲小店食，去咗華都商場呢間雞珠寶，聽聞佢嘅醉雞好食，一於去試下佢 。今次試咗呢個醉雞淮山麵米線，一開始先食佢個淮山麵，毫無特別，湯底勁鹹 。😮‍💨再試吓佢出名嘅醉雞，酒味尚可，但勁鹹，啲雞都好嚡，完全唔係想像中啲人講到咁好食 。另外試咗一個蔥油豬扒飯（太失望冇影到相），豬扒勁肥，雖然豬扒唔算嚡，但口感一般，豉油又勁多，好似豉油浸飯咁，呢間嘢整體都係偏鹹。😢反而佢個紅蘿蔔例湯比較好我覺得有少少住家的味道 。唯有可取之處係性價比算高，希望佢地有所改善吧！

好久都沒有食啦，難得今日有開又見到，所以進去食飯。客人都好多，基本上坐滿，雖然是商場舖，沒有閂門，但冷氣夠凍坐得都舒服。霸王雞飯食評(午餐E)霸王雞飯的雞肉鮮嫩多汁，外皮金黃油亮，入口帶有淡淡的蔥油香氣，搭配薑蓉和醬油更顯層次。米飯淋上雞汁，吸收了雞汁的精華，香而不膩。整體份量十足，CP值高。胡椒豬肚雞湯飯這碗胡椒豬肚雞湯飯湯頭濃郁辛香，白胡椒的暖辣感瞬間開胃，豬肚處理得乾淨無腥味，嚼勁十足，雞肉軟嫩不嚡，湯浸米飯後更顯㘃味，唯一可惜的是胡椒味稍輕，若再濃點，味道更佳，但整體風味十足，值得一試！

唔知呢間小店算唔算係屯們人心目中嘅飯堂？大約係2-3年前同事介紹，食過覺得幾唔錯，所以間中都有幫襯一下。當時食嘅豬扒感覺比而家嘅厚肉而且有時啲湯會重味左，比較咸😅真係次次都要抱住冒險精神去食，哈不過今次幫襯都唔算失望，霸王雞啲雞肉幾滑嫩，而且份量都幾足，唔錯。胡椒豬肚雞湯飯都正常，齋飲會有少少咸，撈埋飯就岩岩好，飲落去喉嚨有微辣，同行朋友就覺得再辣會更好。午飯時間仍然滿座，應該係性價比幾高嘅飯堂吧~

啱啱嚟屯門做嘢嗰陣問人屯門有咩好食，好多人都會搭呢間雞朱寶。其實佢都只係一間普通嘅茶餐廳，不過佢樣樣嘢都做得幾出色。我最鍾意就係「豉油汁特厚豬扒餐」。$59有一塊豬扒，另加一款小食，主食同埋飲品。我通常會叫豬扒加豉油雞中翼。而且呢度有得轉做菜底，啱晒我呢啲唔係太鍾意食澱粉質嘅人。🐖塊豬扒真係好厚，而且一啲都唔嚡唔韌，好腍而且都幾滑下，但係絕對唔係乸過嗰啲好假嘅口感。🐓豉油雞中翼都非常之入味，而且隻隻都好大，脹卜卜。🥬菜底嘅話佢多數都係比菜心，不過份量好飄忽，我真心數過有時得六條，有時有十幾條🤣呢間餐廳其實除咗我最喜愛的豬扒之外，佢個蛋包飯都好出色，不過佢個份量太多，我成日都食唔晒，所以就比較少叫了。

之前推介過屯門華都有間食豬扒，搬鋪裝修後一段時間無食，今次又去挑戰一下都說傳說，經👧🏽非正式統計，所以老店一旦裝修搬遷都會有不大如前。餐廳內部的確比以前乾淨舒適，地方大左價錢都有所微調；以前一坐低就會有碗例湯，宜家就要額外+$7，例湯一樣足料，但味道較湯。豬扒雞翼雙拼飯$59 ▫️ 豬扒厚切大塊，但色水淡咗，而且唔夠入味，連蔥油都少；豉油雞翼都無咁入味。椒鹽豬扒飯$57▫️今次椒鹽豬扒有啲失望，面頭調味OK 但內裡唔夠入味，唯有辣味同香口洋蔥補救一下。再次證明舊式老店真係不易大改。

基本上去開屯門做嘢一定會食嘅飯堂，如果唔係有朋友介紹，應該都唔會識得揾到去。必食推介係佢嘅厚切豬扒配豉油雞翼飯，同埋自選洋蔥蛋包飯。厚切豬扒配豉油雞翼飯：豬扒確實幾厚切，食落唔會好乾身，豉油雞翼煮得好入味，一入口就好易脫骨，但又唔會覺得霉，配埋少少豉油同埋蔥油，成碟飯都可以食晒。自選洋蔥蛋包飯：雖然佢有好多配料可以選擇，但我就鍾情佢嘅厚切叉燒或者蝦仁，最鍾意佢有勁多洋蔥，洋蔥又唔會煮得太熟，仲有少少洋蔥辣同爽口，配埋個蛋又好夠滑，超好味！

近排特別想食茶餐廳，所以嚟到屯門華都附近一間茶記覓食——雞朱寶。聽講茶餐廳雞同豬扒一樣出色，所以今次選擇雞肉相關嘅菜式一試。店鋪比較細，店內裝修比較懷舊，所以座位間隔較窄，私隱度比較低，但對比現今新式茶餐廳，更有風味。姬松茸蟲草雞湯飯這個湯嘅姫松茸同蟲草非常入味，湯底鮮甜，飲落舒服，不過注意，湯入邊很多細碎嘅雞骨，所以飲嘅時候要特別小心。湯中雞肉嫩滑，唔會好韌，雞給滿湯汁的精華，入口鮮甜，配搭白飯非常一流。

平時好小專登食茶記，哩間茶記係由屯門街訪朋友推薦比我，話佢經常幫襯，因為大份又飽肚，同好過出面啲茶記，咁就一於試下鼓油汁特厚豬扒餐 睇相都見到好巨型同埋真係有厚度，豬扒正常味唔算滑，偏瘦肉質但唔鞋，口感淋身但唔似用鬆肉粉果種淋，鼓油係類似甜鼓油，配埋蔥油好好送飯啦，份量雖然大，但我居然食得晒鼓油雞翼值得讚，味道夠之餘啲肉係新鮮唔會煮到啲肉霉晒，雞翼比豬扒有驚喜作為一間街坊茶記，無野要投訴啦，多謝朋友介紹

見到有人推介同佢主打都係豬扒雙蛋，我第一次都係食豬扒因為見有人叫都幾大塊，食完第一次係覺得好普通好乾，我覺得我去BBQ燒完果塊仲鮮嫩過佢🤣。本身唔打算encore，但我見到佢塊煎肉餅。作為肉餅控既我，決定下次試。隔左一排再去，叫個芝士黑松露煎肉餅，話要等半個鐘，照等！果然無失望，係好食到唔識形容。我搵到夢想中既肉餅，大大啖肉加黑松露，再加多塊芝士，簡直係天衣無縫。之後keep住都食過幾次，直到最近諗住再食果陣發現佢cut左煎肉餅，我一見到即刻走左，因為依間野除左煎肉餅其他野都好普通。我去食依間係因為我對依塊肉餅既期待，但依家無左，我諗我會去食返其他茶餐廳。我唯一既訴求就係肉餅，還返塊肉餅比我。

屯門美食推介：雞朱寶位於屯門的雞朱寶。豬扒飯的豬扒內嫩，非常美味。蔥油豬扒飯配上雙蛋和凍咖啡，更是絕配。雞朱寶的豬扒飯之所以這麼好吃，是因為豬扒選用的是較厚的豬扒，而且經過了長時間的醃製豬扒在煎炸的時候，火候也控制得非常好，內裡卻依然保持著鮮嫩的口感。蔥油豬扒飯上的蔥油，也是一大亮點。蔥油是用新鮮的香蔥和甜豉油一起熬製的，香味非常濃郁。蔥油淋在豬扒飯上，讓豬扒飯的味道更加豐富。雙蛋是豬扒飯的完美搭檔。雞朱寶的雙蛋，煎得恰到好處，蛋黃半熟，蛋清半凝固，口感非常滑嫩。凍咖啡是豬扒飯的最佳飲料。凍咖啡的冰涼口感，可以中和豬扒飯的油膩感，讓豬扒飯吃起來更加清爽。如果你想在屯門吃到好吃的豬扒飯，那麼雞朱寶絕對是你的最佳選擇。

有時被安排去屯門華都附近上班，都會嘗試附近不同的餐廳，畢竟那是屯門其中一個美食天堂！儘管餐廳很多，試完一輪不同餐廳，最後每星期都會想念的就是雞朱寶和它附近的泰國餐廳。雞朱寶顧名思義，出名的是它的雞和豬扒料理，兩樣都吃過，但我最喜歡他的薑蔥霸王雞飯和它家的湯。我認為薑蔥霸王雞，其中一個精粹是豉油，這間的豉油吸收了雞汁蔥絲辣椒的香味，連帶滑雞一齊食非常美味！還有吸收了豉油精華的芽菜，也是十分送飯！至於湯也有住家的味道，和比較濃厚的陳皮味，喜歡陳皮的人可以試一試！

今日又約埋老友去屯門晚餐，大但大家都無話特別想食咩就周圍行下d小店睇下，行到黎華都商場見到呢間雞朱寶個牌幾搶眼，門口睇下餐牌就似一般茶記食既野，主打雞飯同豬扒咁喎，咁就一於試下啦。小店坐位唔夠10張枱，但都有幾張卡位4人枱，餐牌上食物款式都唔算少，除左雞飯同豬扒主打仲有煎肉餅，湯飯同沙律餐都有。厚切豬扒撈一丁老友既選擇，我試左一塊豬扒係幾厚切既，不過底味就唔多夠同埋唔夠鬆化，靠出面d甜豉油吊味，另外配左d蔥油就幾香，老友就覺得一般d。酸甜汁豬扒條飯本身係點左芝士黑松露煎肉餅飯，等左15分鐘左右阿姐話塊肉餅跌左落地，再整過要等或者轉其他，所以就轉左呢個豬排飯，呢份豬扒就不是厚切，邊位就鬆化d，中間位就硬d，酸甜汁就幾好幾開胃，飯黎講都算唔錯軟硬適中。整體黎講食物試左2份豬扒都比較普通，作為招牌菜就失色d，環境黎講都一般，店內都有d小飛飛飛來飛去，一般茶餐廳質素啦。

記得好似之前華都都有雞朱寶，今次重新係華都開，轉左之前轉角個位，試下。諗住食下午茶，不過餐牌無下午茶，只有套餐客飯，但有輕食，不過輕食叫價去到55，咁不如直接叫套飯食。大部份客飯55-60左右，係屯門算中上價錢，未算貴可接受。叫左胡椒豬肚雞湯飯，味道夠，雞份量骨較多無咩肉，75分豉油汁厚豬扒炸雞翼米75分。豬厚得黎唔會鞋，算ok 。 不過飲品要加返3蚊轉凍飲穩陣，熱飲太細杯了。總結下午茶唔會黎呢度，因無茶餐，價錢係午晚餐價錢。 一般野可再翻食外面可煲煙坐狗，幾好。