爆丼屋 (山東街)

營業中

休息中

第一次去食呢間魚生飯，星期日夜晚都唔算多人，大概等位10分鐘左右，位置就喺女人街附近，非常方便。魚生飯嘅種類都好多，價錢有平有貴，最平嗰啲就大約$100有交易，但最貴嗰啲(三色海膽飯)，竟然可以去到$500以上，都有少少震驚。我就嗌咗一個二百幾蚊嘅北海道魚生飯再加鵝肝，個份量都幾足，魚生都算新鮮，鵝肝味道唔錯，好多時魚生飯都未必食得飽肚，但係我嗰日就都算食得幾飽。服務就還好，只係坐得唔係太舒服，有啲逼夾，枱同枱之間嘅距離接近唔存在。