爆丼屋 (山東街)

營業中

休息中

第一次評分，今日同阿媽經過見到門口張相就入去試，因冇海膽就嗌咗 兩個夢幻之丼，一黎就知奶嘢，啲海鮮全部都覺得好唔新鮮，份嘢一上到嚟睇啲顏色就知佢好唔掂，好大浸雪味，個人覺得最正常係三文魚，最後吞拿魚咬咗一口都冇再食。支豉油啲味都係擺咗好耐嗰啲味，即係魚仔膠樽裝嗰啲味。阿媽話成個餐食得落口嘅係啲碎紫菜，第二樣係碗湯，本身係見到有海膽先入去想試，好彩佢冇晒，唔係應該會仲差。總括而言，我覺得好bad trip。148蚊一碗，完全唔值呢個價。請比誠意做食物，儲存食物有待改善！以上純粹個人評價。

啲也好唔新鮮吞拿魚 酸嘅鵝肝 又硬又乾又冇味牡丹蝦 好腥我下次真係排隊等壽司郎都唔會再黎咁難食埋單$800我寧願攞去餵狗都冇咁谷氣 份量ok多嘅 好多飯就真忍唔住同隔離台講但可惜佢哋已經落左單上次同朋友去都覺得平平無奇 不過不失啦點知今日完全失望 淨係食左少少已經冇曬胃口唔怪得依家次次經過都冇人 雖然唔係貴 但我都唔期望食物素質會差到呢個程度真心建議你地出餐前確認下食材到底係咪新鮮先 但我都絕對唔會再比機會呢間拉圾餐廳

之前經過幾次都已經好想入呢間度試吓，無奈都選擇咗其他餐廳，結果今次個人經過，就決定沖入去食啦！果然冇令我失望！好多款選擇，有魚生刺身海膽魚子既丼，仲有半熟牛，鰻魚，等等選擇！結果我揀咗一個半熟燒牛丼，上面仲有隻蛋！另外我再加$88要咗一個鵝肝！！呢個半熟燒牛丼飯有兩個汁，我諗有一個係白色有少少酸嘅汁，另外一個就係好似燒汁，好好食好飽，個飯我都食唔晒，因為實在太大碗啦，我最滿意係個鵝肝！個鵝肝油連埋啲飯超好味！我冇選擇錯，最開心係唔使排隊我相信好快我又會再嚟，下次我會試海膽~可能有啲人覺得幾百蚊食一碗飯唔值，但係我覺得呢一間物超所值，因為裏面嘅材料非常豐富，計返埋仲覺得好抵極度推介

海瞻今日絕對唔新鮮，亦可能劏唔乾淨，所以有臭味，同鮮味有d距離。飯唔係珍珠米，當然可能係我一廂情願諗住丼飯一定都係用我認為既珍珠米做配搭。其他野食唔清楚，其他食客有食得好開心既，亦有食左小小就放低既，當然都係我食左海瞻同飯之後先開始留意其他食客反應。桂花茶好味，實話實說比錢時同收銀講海瞻好似唔係咁得，佢係度發呆，其實我都比左錢，只係想比小小意見等我可以因為你既反應而願意試下次但，結果當然冇下次，謝謝

(*˘︶˘*).。爆丼屋.:*♡最好耐無去山東街嘅爆丼屋，佢哋的新丼好有驚喜！安格斯牛扒二郎丼牛扒堆到成座山咁高，賣相超級震撼！一上枱已經俾佢嘅份量嚇親。啲牛扒肉汁飽滿，簡單輕煎嫩而好吃，配埋新鮮嘅蔬菜，每一啖都充滿驚喜。個人超喜歡呢個丼飯，真係好惹味！月見拖羅慢燒牛肉丼呢個丼飯真係好精緻！拖羅蓉同埋慢燒牛肉嘅配搭好夾，口感嫩滑綿軟。加上生蛋黃，令成個丼飯嘅味道層次更加豐富。慢燒牛肉煮得剛剛好，肉質軟嫩，而且充滿牛肉嘅香氣。旺角山東街 57號#爆丼屋 #旺角美食 #安格斯牛扒 #拖羅蓉 #慢燒牛肉 #丼飯 #高質美食 #foodie

📍 爆丼屋 (山東街) (旺角)旺角山東街57號地舖👉 安格斯牛扒二郎丼💰158😋😋😋😋.8/5呢個二郎丼真係好豐富！好多新鮮嘅菜，椰菜同芽菜炒得好香，蒜茸味道突出，令整碗飯都充滿香氣。安格斯牛扒煎得剛好，肉質鮮嫩，汁多得來又唔油膩，搭配秘製醬汁，味道濃郁，令人食得停唔到口！熱騰騰嘅米飯更加襯，真係一碗好滿足嘅料理👉 月見三文魚籽慢燒牛肉丼💰118😋😋😋😋.8/5呢道牛肉丼就好特別，慢燒牛肉軟滑入味，搭配月見蛋，蛋黃流出來嘅時候，整體口感更加豐富。三文魚籽嘅鹹香同牛肉完美結合，令味覺層次更加立體。米飯底下吸收咗所有嘅醬汁，食落去好正！回頭：yes，快靚正，性價比高，兩道丼飯都非常出色，絕對值得一試！ #旺角美食 #肉食祭 #慢燒牛肉丼 #人氣丼飯 #極足料 #爆丼屋 #快閃日本 #真係爆丼 #生啤 #香港餐廳推介

行經旺角搵嘢食， 見到爆丼屋嘅安格斯牛扒二郎丼d牛堆到成座山咁滿，賣相好吸引，所以走入去食💗安格斯牛扒二郎丼 $158（包麵豉湯 + 飲品）果然好震撼，有好多塊切好嘅牛扒，好多野菜，有椰菜、芽菜等，食材堆到成座山咁高，再淋上惹味嘅肉汁，每一啖都好好食，好豐富，牛扒起碼有十幾塊，塊塊都好香濃彈牙，肉汁飽滿，大滿足啊💗月見拖羅慢燒牛肉丼 $108（包麵豉湯 + 飲品）成個丼飯鋪滿拖羅蓉，和慢燒牛肉，鮮美嘅拖羅魚蓉，口感嫩滑、綿軟、油脂香味濃厚，配上熱哄哄嘅日本飯，真係好夾，慢燒牛肉每塊都好好食，加上蛋黃汁，口感嫩滑，味道香濃又滋味💸平均每位消費 $150（收加一服務費）🌟🌟🌟🌟🌟🌟🌟🌟🌟🌟🌟🌟🌟🌟📍爆丼屋🏩旺角山東街57號地舖

爆丼屋 (山東街)，位於旺角山東街57號地舖。 相信大家都對爆丼屋不陌生，近期有肉食祭慶典， 滿足好多喜歡食肉嘅朋友。晚餐🍱 ～ 月見拖羅蓉慢燒牛肉丼$108、 安格斯牛扒二郎丼$158。 🔸味噌湯 ～ 一坐低店員為我們送上熱辣辣的味噌湯， 很暖胃。 🔸月見拖羅蓉慢燒牛肉丼$108 ～ 鮮甜綿密的拖羅蓉，肉質較腍，充滿油香的牛肉，蛋味香濃的生蛋黃撈勻後拌飯一起吃， 非常美味。 🔸安格斯牛扒二郎丼$158 ～ 滿滿的安格斯牛扒，香帶韌勁，內裏牛味香濃，配上椰菜、芽菜和蒜拉，超惹味啊！ 平時到爆丼屋多數食魚生丼， 今次有牛肉丼， 滿滿的一大碗，食得非常滿足。🏷️溫馨提示～ 整個用餐體驗均屬個人分享意見， 只作參考😊。

人氣丼飯專門店爆丼屋喺旺角開咗好耐，今日終於同朋友食到🤤最近仲搞緊肉食祭，一百蚊左右就食到海鮮慢煮牛肉丼！啱曬牛肉控黎試試❤️✿ 月見拖羅慢燒牛肉丼 $108拖羅蓉頗多，鮮味非常🩷慢煮牛肉油脂部分少，牛肉味重。將蛋黃篤穿同丼飯撈勻後滋味非常🥚✿ 火焰盛丼 $84平晚食壽司都好中意食火焰類🔥呢款食材好豐富，有火炙左口魚邊 火炙三文魚 帶子 蟹棒，火炙左口魚邊同火炙三文魚油脂好豐富😊帶子口感爽滑。✿ 荔枝青檸梳打 $38荔枝味道香甜，青檸清新🍋‍🟩兩者融合發揮作用吾錯。

野食正常，點了兩個don飯，就等食。呢個時候，見到個年紀大啲職員對客人呼喝，真係嚇一跳，完全無禮。見到咁嘅情況，無論你有幾好食，嚟一次就夠啦，感覺上係最差的一家爆X屋。呢間可以跳過。其他的店鋪服務正常。

網上見到爆丼屋不停有新款式推出，今日去開旺角就黎試下佢地個新丼飯🙈 食肉獸既天堂😍😍.⭐️月見拖羅慢燒牛肉丼拖羅蓉份量多～ 又夠鮮味，燒牛肉比較薄身，肉味濃！本身唔太好太多肥膏既肉，呢個燒牛肉對我黎講岩岩好🤤.⭐️安格斯牛扒二郎丼一上枱，個飯疊到小山丘咁，大食既男士都一定夠食，重點係牛扒既量都唔少，做到7:3比例！.⭐️日本三得利啤酒餐廳做緊買一送一啤酒優惠🍻 最岩同朋友啤啤佢😆 日本啤酒相對無咁濃味，平時唔好飲啤酒既朋友都接受到，唔錯～

上星期同朋友去旺角買電腦佢話想食呢間餐廳佢話搬咗舖之後都冇食過所以我哋就過咗嚟食原來而家除咗魚生飯之外安格斯牛扒二郎丼原來二郎丼係一種日本料理，以米飯為底即係好似丼飯咁用安格斯牛扒黎伴隨住肉汁滲落啲飯度，好香好惹味而且牛扒食落好juicy連飯一齊食，好味月見三文魚籽慢燒牛肉丼月見即係蛋我呢個蛋控見到蛋即刻都叫左篤穿個蛋，再拌勻三文魚籽三文魚籽一粒粒係口中爆開口感豐富，再食埋慢燒牛肉可以同時享受晒三文魚籽既鮮味同埋牛肉既香嫩兩重口感兩個飯仲有附有兩碗麵豉湯食飽飲埋咁就大滿足

朋友去完日本話好掛住丼飯，經過旺角就決定黎試下😳除左平時常見既海鮮丼飯，呢度有牛肉丼飯🤩🐮安格斯牛扒二郎丼 $158牛扒牛味濃，肥瘦分明、份量都多而且肉淋多肉汁。頂部仲有大量既椰菜同芽菜，爽口又脆，即使食肉但同時有咁多菜可以減少內疚感🫢🐟月見三文魚慢燒牛肉丼 $122三文魚又滑又鮮而且加入了芥茉，份量岩岩好，牛肉係薄片，少少鹹味配飯岩岩好。再加埋蛋黃更滑溜🥭芒果梳打 $38顏色鮮豔，有芒果既甜味同碳酸的清爽香氣🌿荔枝青檸梳打 $38荔枝配上青檸酸酸甜甜，口感特別清新餐廳氣氛輕鬆，天花板有雲既裝飾，坐位闊落，光線充足，丼飯好足料，仲送一碗麵豉湯

好鐘意到旺角爆丼屋，因為每次都好滿足。仲有佢設內嘅藍天白雲裝飾。餐牌上有多於十幾款丼選擇，有海鮮刺身，火炙，牛肉等等。同朋友叫左旺角限定安格斯牛扒二朗丼，有好多好多野菜，椰菜，芽菜用蒜茸炒過，同埋食得出應該係用返牛肉嘅油脂去炒，所以有超濃嘅牛味。係一款十分之有鑊氣嘅牛丼都不失為一個好嘅嘗試。月見拖羅慢燒牛肉丼大量鮮甜新鮮嘅拖羅蓉差不多佔整個飯夾一半，另外一邊有入口即溶牛味極濃嘅慢者牛肉，一次過享受晒刺身丼飯同埋牛肉丼飯嘅味道，非常抵食

爆丼屋原本唔止可以食魚生丼！最近仲推出咗全新肉食祭，兩款丼飯滿足哂肉嘅渴望！🤤🤤🤤今次試左兩款丼～仲有麵豉湯1. 月見拖羅慢燒牛肉丼 ($108)呢款丼飯主角係香滑軟嫩嘅拖羅慢燒牛肉，仲有金黃流心嘅溫泉蛋，視覺同味覺嘅雙重享受！溫泉蛋嘅蛋液同慢燒牛肉完美融合，每一口都充滿濃郁嘅肉香同蛋香，真係令人齒頰留香！😋😋😋2. 安格斯牛扒二郎丼 ($158)呢款丼飯真係肉食愛好者嘅天堂！滿滿嘅安格斯牛扒，經過香煎後散發出誘人嘅香氣，肉質鮮嫩多汁，咬一口真係過癮！仲有超多種類嘅蔬菜，包括椰菜、芽菜等，營養均衡又美味！淋上秘製醬汁，更添風味，搭配熱騰騰嘅米飯，簡直係人間美味！🤤🤤🤤**特別提醒：安格斯牛扒二郎丼係旺角限定新品，想嚐鮮嘅朋友記得把握機會呀！**食物：⭐️⭐️⭐️⭐️環境：⭐️⭐️⭐️⭐️服務：⭐️⭐️⭐️⭐️⭐️🍽️ 餐廳名稱：爆丼屋 (山東街) (旺角）📍 地點：旺角山東街57號地舖 #旺角美食 #肉食祭 #慢燒牛肉丼 #人氣丼飯 #極足料 #爆丼屋 #快閃日本 #真係爆丼