長阪燒 (已結業)

今日嚟咗旺角呢間日式餐廳食，我地坐吧枱位置，前面擺放各式各類的魚同食材，令食客感覺餐廳用上最新鮮食材招待客人，令人未開餐已經食指大動。侍應首先奉上自家醃製兩年梅酒，入口有好香嘅梅味但唔會太甜，好開胃！鮟康魚肝酢物($78)質感粉嫩，搭配酸酸甜甜的青瓜絲同海苔，恰如其分發揮開胃菜作用。我地點咗兩款生蠔，右邊係來自西班牙嘅Castillo，比較細隻海水味亦比較重；左邊係來自法國嘅 St Martin，大隻而且creamy，個人偏好呢款生蠔多啲！海膽拖羅蓉最中餅故名思義就係兩種食材夾係脆餅中間，賣相相當呃like！拖羅蓉海膽亦非常鮮美，一啖滿足兩個願望！不得不說，吞拿魚赤身亦同樣新鮮，脂肪比例較少，口感較結實，魚味濃郁。再黎墨魚同柚子真鯛壽司，食落相當有驚喜，食得出壽司有一層柚子皮鋪面，減輕飽滯感覺非常refresh!最後叫咗幾串熟食，特大虎蝦雖然非常有睇頭而且啖啖肉。豚肉露筍、雞肉大蔥串正常發揮。反而最有驚喜嘅係唐辛醬烤手羽先、日式蜂巢手羽先，前者香口惹味，後者甜甜地，適合唔食得辣嘅朋友仔。雞肉肉質juicy。