阿木台灣麵 (豉油街) (已搬遷) 新店位置

2022第一個post～新年快樂呀各位！上星期約咗朋友食阿木，一如既往地一路食一路笑到肚痛😂😂😂🍚鹽酥肉便當 $61之前去開都係食麵，今次決定轉下口味食飯！滷肉飯啲滷肉好足料，幾乎每一啖飯都食到滷肉！鹽酥肉有四條，味道同鹽酥雞有啲似，但因為鹽酥肉係豬，所以質地比鹽酥雞扎實。另外，便當仲有三款配菜，包括麵筋、菜脯同滷蛋，全部都好有台灣風味！🫔芝士肉鬆蛋餅 $44之前試過一次蛋餅覺得好好味，所以今次我地都叫咗一個share。蛋餅餡料豐富，尤其係肉鬆，多到一夾就跌！🍹芝士岩鹽奶蓋炭燒烏龍茶 $38最近奶蓋中毒，係咁飲奶蓋手搖，去到阿木都唔例外！奶蓋好厚，飲落香濃，同烏龍茶好夾！