河內越式料理 (西洋菜南街)

營業中

休息中

到旺角同客戶開會開得好遲，見到哩間鋪頭都幾人氣，咁試試啦。晚市都幾多嘢食揀，60左右已經有碗粉面或者飯。椰子冰，椰子味好濃鬱，不過唔會好甜，啱曬女仔飲。熱奶茶，奶和茶味balance得幾好，飲落好順滑。香茅雞翼（2件），雞翼燒得啱啱好，皮脆啵啵，內裡好嫩，雞翼預先醃制過，好夠味。越式豬頸肉（細），細份豬頸肉分量都幾多下，仲搭配埋泰式酸辣醬。豬頸肉食落好彈牙，唔會覺得柴，唔錯。河內紮肉湯河粉，湯底好濃鬱，飲得出係落足料黎煲，食完唔會口渴，味精落得唔多。紮肉大件件都有4-5件，仲伴有芽菜等配料，好食。順化番茄蟹肉紮肉湯檬，湯底番茄味好重，蟹肉分量好多，仲有豆蔔，紮肉等配料，叫咗少檬都好大一碗，落埋辣椒同青檸更加好味。求其一餐都幾驚喜，難怪晚市全full，仲不停有客人walk in，應該都有好多街坊幫襯哩間小店。