河內越式料理 (西洋菜南街)

**餐廳環境：** 地舖位置方便，裝修簡約，座位ok～ **👨‍🍳 服務：** 職員態度友善，見我揀唔定仲主動介紹招牌菜，上菜速度亦快⏱️！ **🍜 食物評分：** **1. 河內小食拼盒 ** 蝦餅同春卷最出色！蝦餅外皮脆到「咔嚓」聲，蝦肉鮮甜🦐；春卷餡料足，熱辣辣脆口，蘸酸辣醬更惹味～ **2. 香茅沙嗲串燒 - 牛肉 (3串)香茅味突出，牛肉 juicy 唔韌，沙嗲醬濃稠帶微辣，食完想再點！ **3. 極品牛三寶湯河粉 ** **湯底真係無得輸！** 飲得出係長時間熬製，牛味濃郁帶香料香🌿～牛筋煮到半透明，入口即化；牛丸彈牙爆汁，河粉份量足，大滿足！ **4. 椰汁三色冰 ** 椰奶香滑唔假甜，三色冰口感有層次，夏天飲超清爽❄️～ **💬 個人感受：** 比起連鎖越南餐廳，呢間更有人情味同鑊氣！牛三寶河同串燒必點，會再回頭～ …查看更多

講到越南餐廳，好多時都係諗起牛肉湯河，但其實越南菜仲有好多好嘢。今次去咗旺角「河內越南料理」，就係一個好例子，完全顛覆咗我對越南餐廳嘅既定印象。第一樣上枱係金不換豬扒炒檬粉。呢個真係驚喜，炒檬粉最怕炒到濕笠笠，但呢度鑊氣十足，火候夠勁，檬粉粒粒分明，唔會黏埋一舊。豬扒切得厚薄適中，帶少少金不換香草味，清香又解膩。食落去酸酸甜甜，口感好有層次。第二樣係越式豬扒包。麵包外脆內軟，豬扒醃得入味，仲有少少魚露香，夾埋酸蘿蔔同青瓜，咬落去好爽口。份量唔算大，味道好集中。法式牛油雞翼就係另一個亮點。雞翼炸到外皮香脆，牛油味滲入肉入面，食落去香濃但唔會膩。呢個菜式有啲fusion feel，但又唔失越南風味。越式炸蝦餅就係必食小食，蝦味好濃，炸到金黃香脆，咬落去仲有彈牙感覺。配埋甜酸汁，真係一流。最後係牛油果沙冰，呢個甜品好清新，牛油果打得滑溜，甜度啱啱好，食完一餐重口味嘅嘢，飲返杯真係perfect ending。…查看更多

地地道道的越南街头烟火气份量超大价格良心～吱吱亲测两人份必点清单🧾✨软壳蟹捞檬 💰75点下独家酱汁酸酸甜甜更开胃 软壳蟹炸得酥到掉渣✨河内小食拼盒 💰140选择困难症福音～种类齐全 份量超多 三个人share也足够✨越式猪扒包 💰54法棍酥酥脆脆猪扒嫩得爆汁 薄荷叶更是灵魂～✨香叶卷伴滨海 💰76第一次听到这个菜名第一次尝试本地人最爱的吃法叶子清香包裹肉馅 越吃越爽口人均💰：200📍旺角西洋菜南街204號地舖…查看更多

(寧食開眉粥 莫食愁眉飯)話說今日喺越南餐廳叫咗個越式河內三寶飯 我見到個飯冇俾酸蘿蔔配菜我 有一個短髮服務員同我講我個飯冇包 我同佢講個Menu嗰張圖明明係有酸蘿蔔嘅 咁跟住我以為賣晒 就諗住算啦 跟住頂佢個肺我隔籬果台叫炒粉 我見到竟然有比配菜酸蘿蔔 跟住我就同個Tb服務員講 我話點解我個飯係會冇酸蘿蔔 佢就同另外一個短髮嘅服務員兩個你一句我一句好似講緊我是非感 講真作為客人 你哋咁嘅服務質素， 真係好影響香港飲食業 亦都好影響你呢一間餐廳 你有咩咪喺背後講囉 係客人面前講當人白痴嘅咩 ..好啦，跟住個T B入咗廚房攞咗兜蘿蔔俾我 跟住好串咁同我講 今次俾你因為呢一個飯本身係冇嘅 跟住黑面行開咗 我心諗我有俾到錢去買你個圖嘅一些食物 你同我講個圖嘅某些食物本身唔包 仲要咁嘅態度 另外一個扎辮嘅女人仲黑灑我面 坦白講啦，如果真係如TB所述本身個飯係唔包呢個配菜你哋就已經違反商品說明條例啦 講真你咁對個客一句唔好意思都冇仲要黑我面 真係10分10分差 我寧願你同我講個廚師漏左比 咁咪算囉，tb又喺度兜又話唔知點解個menu 會有呢個圖 真係黐Q線做咗咁耐，你唔知道個Menu係個圖係咁嘅咩？仲喺度同個客人死撐。 講真店內呢三個服務員完全影響晒香港飲食業。我覺得你哋餐廳如果係連鎖嘅唔該好好提升吓你哋嘅服務質素！ 否則再抵食 客人都只覺難受☹️下圖 就係我食果個飯 …查看更多

最近和朋友去左旺角「河內越式料理」食晚飯，真係有驚喜！餐廳裝潢融合越南傳統元素與現代簡約風格，藤製傢俱配上竹簍燈籠，營造出舒適的用餐氛圍。「西貢牙車快雞絲沙律」，以爽脆的牙車快（即木瓜絲）為主角，配上嫩滑的雞絲、芽菜、薄荷葉和沙律菜，再淋上酸甜適中的青檸醬汁，酸香開胃，口感清新。「香茅豬扒撈檬」，豬扒燒得啱啱好，外層焦香、內裡多汁，搭配冰涼彈牙的檬粉、青瓜絲、紅蘿蔔絲與香草，再拌上特製魚露醬汁，食起來毫不膩口。「越式河內三寶飯」超級豐富，豬扒肉質厚實、雞翼外皮酥脆、扎肉則口感紮實，配上餐廳自家製醬汁，撈飯一流。「越式手打炸蝦餅」外層金黃酥脆，內裡蝦肉彈牙，鮮味十足。「市集蔬菜餅」以多種蔬菜製成，炸得香脆卻不油膩，素食者也能安心享用。「熱情果冰」酸甜清爽，果香濃郁，是解膩良伴。「蜂蜜柚子梳打」帶有淡淡柚子香氣與微氣泡感，喝完令人神清氣爽。總結：餐廳食物有水準，價錢合理，環境舒服，下次一定會再嚟幫襯！…查看更多

河內越式料理今日同老婆行街街，路經呢間越南菜館，見到入面環境都幾好，又唔使等位就決定食呢間店員推介我哋嗌呢個二人套餐，話幾抵食$198生牛肉河粉，牛肉好嫩滑，份量多香茅豬扒撈檬，有香茅味香茅雞翼，好入味另外，叫咗個炸蝦餅，蝦肉爽彈，皮脆，整體嚟講呢間餐廳，性價比高，抵食…查看更多

@河內越式料理今日出咗旺角行街，經過呢間越南菜館，見到二人套餐嘅幾抵食$198,今晚就決定喺呢度醫肚。侍應畀咗杯茶，初初我都唔知係乜嘢茶，只係飲到好香茶味，問咗侍應才知係越南茶！📌生牛肉湯粉牛肉湯粉大大碗，牛肉份量多，牛肉薄切，肉嫩，河粉順滑📌香茅豬扒撈檬香茅豬扒好入味，煎到好香，配料有青瓜絲，蘿蔔絲和蝦乾，撈埋酸醋汁好開胃📌越式香茅雞翼（4隻）香茅雞翼都係炸到好香，香茅味十足，肉好嫩滑📌田園灼時菜少有灼菜係唔油膩，通常出街食飯啲菜油到令立立📌順化炸蝦餅（大）呢個蝦餅超好食，外皮炸到好鬆脆香口，內層蝦肉爽彈，非常有口感，店員行過見到我響度食檬粉，店員建議我先食呢個，可保持到蝦餅最好狀態📌熱檸檬柑桔勁多柑拮，足料📌檸檬蜜糖薑茶1呢個檸檬薑蜜好好飲，勁姜，飲完個胃好舒服總結：呢間越南餐廳，地點方便，食物味道好，店員友善服務好，價錢實惠，$198好抵食，仲唔使收加一，超推！…查看更多

越式菠蘿炒飯賣相唔錯，飯粒炒得鬆軟，菠蘿切塊金黃混入，顏色鮮艷帶少少焦邊。飯吸晒菠蘿汁水，入口甜酸平衡，配埋蝦仁同蛋碎增添鮮味，質地乾爽唔油膩，菠蘿脆口唔會過軟，份量一碟夠飽。🍍雞絲沙律菜葉新鮮，雞絲撕得細細條，配埋紅蘿蔔絲同青瓜絲，賣相幾清新。醬汁微微酸辣，入口雞肉嫩滑無柴，蔬菜脆生解膩，質地多層次，唔會太濕或太乾，簡單但風味足，食落去開胃。🥗西貢咖喱牛腩配法包咖喱濃郁，牛腩煮得軟爛入味，配埋法包烤得脆脆地。入口咖喱香料撲鼻，牛腩juicy帶少少筋，辣度中等後勁溫和，法包吸汁後軟脆對比好，份量啱晒，食落去暖胃。🥘越式香茅雞翼4件份量啱做小食，雞翼烤得外皮焦黃，香茅味淡淡滲入，賣相簡單帶烤痕。入口皮脆肉滑，汁水鎖住唔乾，香茅香氣清新唔搶味，質地嫩滑，配酒或飯都夾，食落去有特色。🍗椰汁三色冰顏色鮮豔，紅綠白層層疊，椰汁淋得均勻，賣相涼爽誘人。入口Q彈，椰汁甜潤唔膩，質地滑順冰涼，熱天飲解暑。🍨龍眼肉新鮮，冰塊細碎，顏色透明帶果肉，賣相簡單但吸引。入口龍眼甜脆，冰水微微甜味解渴，質地爽口無渣，果肉彈牙，飲落去醒神，尤其夏天啱晒。🥤…查看更多

今日旺角行街，天氣熱辣辣想食越南菜，酸酸辣辣開胃啲，見到呢間咁多人讚，應該無死，黎到門口見到餐廳坐左8成滿，即刻行入去，遲多幾分鐘仲要係門口等位先入得坐低即刻叫嘢食，餐牌選擇好多，款式好豐富咁多選擇唔知揀咩好，見到有個二人餐都幾抵食，即管試吓二人餐有主菜，有小食仲有得包特飲，仲要餐廳唔收加一，今時今日真係無幾多間會唔收，果然都係小店有良心我地要左個二人餐（$198），豬肉卷撈檬，扎肉湯粉，田園灼時蔬，安南鮮蝦紙米卷，仲有兩杯特飲另外再點一個香茅沙嗲串燒（雞肉）（ $68 ）超大份既豬肉卷撈檬一個人食完都飽到上心口，抵食到癲仲要豬肉卷外皮好香脆，入面肉質好juicy夏天都係要食撈檬先夠開胃札肉湯河，湯頭好香甜，河粉份量多到食唔晒，你個二人餐其實夠三個人食呢個生菜成個小山丘咁，多到咁真係好癲上面d炸蒜蓉好香好惹味鮮蝦紙米卷又係比平時食開嘅大份好多紙米卷爽口清新，配埋酸辣醬，真係幾飽都仲食得落香茅沙嗲串燒係令我最有驚喜，沙嗲醬超級香濃惹味，串燒燒到外皮好香脆，入面好Juicy ，配埋香濃嘅沙嗲醬，唔會有人可以抗拒到串燒份量唔敷衍，咬落啖啖肉，食得好開心最後再黎一杯椰果/芒果椰汁西米露，簡直係絕配，椰汁味好香，好欣賞佢呢啲特飲唔會好甜好甜，西米煮得好冧，配搭得好好，食完飯飲一杯就完美作結呢個價錢又抵又好食…查看更多

同朋友去太子整頭髮，之後去食晚餐，河內越式料理裝修簡約舒適，主打正宗河內風味越南菜。香茅雞翼湯檬粉：雞翼外皮帶有微微酥脆感，肉質嫩滑多汁，充滿雞肉鮮甜和香茅的清香味道。湯味香濃而又清新，常有酸辣開胃的特質，檬粉滑順細膩，吸收了香茅雞翼的香氣和湯底的味道，口感爽滑且帶有湯汁的鮮味。越式香茅豬扒湯河粉：口感是滑順幼身的河粉，搭配外酥內嫩、香茅味濃的豬扒，浸泡在滋味豐富、帶有香茅辛香和鮮甜層次的清甜湯底中，呈現出一個香氣十足且口感多樣化的美味組合。椰汁紅豆冰：紅豆的軟糯與椰汁的絲滑相互融合，帶來一種甜蜜且清新解暑的感受。鮮芒果椰汁西米露：芒果果肉鮮甜多汁，西米軟Q彈牙，晶瑩剔透，椰汁香濃滑順帶奶香，口感層次豐富。順化渣手打蝦餅彈牙爽口，外脆裡嫩，肉質鮮甜且層次豐富。香茅沙嗲串燒雞肉鮮嫩多汁、香氣豐富，外酥內嫩，吃起來既香濃又帶有香茅的清爽味道。…查看更多

木系主題裝潢 應覺舒適 食物選擇豐富 而且充滿越式風味 正♡⋯⋯食評⋯⋯♡ ☻ 4.6/5 ✨ 雞絲湯河粉湯頭鮮甜又帶清香，雞絲嫩滑入味，河粉彈牙滑溜，令人口齒留香。 ✨ 河內豬頸肉沙律豬頸肉烤得香脆，配搭新鮮切成一條條的爽口蔬菜，調味酸甜平衡，吃起來清新又開胃。 ✨ 越式豬扒包豬扒多汁厚實，夾住酥脆麵包，配上香濃醬料，每一口都令人忍不住再吃多一口😋。 ✨ 法式牛油雞翼雞翼外皮香脆，牛油香氣撲鼻，肉質鮮嫩多汁，味道層次豐富😍✨ 檸檬蜜糖薑茶 & 熱奶茶檸檬蜜糖薑茶暖胃解膩，酸甜適中熱奶茶香濃滑順，兩者完美平衡😍…查看更多

放工同同事一齊去太子食飯揀咗越南菜去到6:30pm已經滿座幸好等咗一陣間就有二人枱越式豬扒包用半條長法包開邊搽牛油烤到外脆內軟香茅豬扒煎得鬆化夾埋生菜芫荽蘿蔔絲味道口感好好法式牛油雞翼好香嘅牛油味 皮脆肉滑雞翼炸粉唔厚入口唔算油膩芒果牛油果鮮蝦米紙卷芒果香甜配上熟成牛油果蓉加蝦仁爽口同粉絲嘅Q彈呢個食落感覺健康又好清新極品牛三寶湯金邊粉有生牛肉片、牛丸同牛展同洋蔥等配料牛肉湯好濃好有牛味牛肉唔嚡份量足金邊粉唔會煮到好淋整體好食椰汁珍多冰同椰汁綠豆冰都正常發揮唔會好甜…查看更多

今日我同朋友去咗一間好正嘅越南餐廳，試咗幾樣特色嘅菜，真係食到我心坎度！首先，河內特色綜合河粉，呢碗河粉真係好有層次！湯底濃郁，配料有生牛肉、同埋新鮮嘅蔬菜，食落去口感滑順，真係好惹味！每一口都有唔同嘅風味，令人回味無窮。接住嚟係河內牛丸撈檬，牛丸好彈牙，撈麵嘅醬汁係咪超級入味，淨係食麵已經好開心，加埋牛丸就更加完美！每一口都係幸福。然後試咗青木瓜沙律，呢個沙律清新又爽口，配合咗花生同埋香菜，酸酸甜甜，真係好適合夏天食，幫我解膩！飲品方面，我叫咗椰汁珍多冰，椰汁香濃，軟滑，真係好消暑！一口飲落去，心情都變好啦。最後唔可以唔提嘅係甘草紅棗菊花茶，呢杯茶唔單止好靚，味道都好清新，飲完之後感覺好舒服，仲可以幫助消化，真係一舉兩得！…查看更多

今日帶媽子嚟到弼街，因為佢話想食下越南野，所以我哋揀咗呢間河內越式料理。未夠七點，餐廳已經Full house，生意非常好，餐牌款式多，有粉麵飯、小食等，選擇超豐富軟殼蟹米紙卷 $74 🦀 四件份量十足，餡料多到一啖咬唔晒，肉厚多汁，配埋酸汁非常開胃芒果牛油果鮮蝦米紙卷 $68 🥭🦐 配搭超清新，芒果味突出，食落好舒服濱海伴香茅牛肉 $76 🌿 香茅牛肉份量多又入味，肥牛醃得恰到好處😇金不換香葉同生菜包一齊食，自製生菜包口感特別，值得一試越式炸春卷（2件）$24 🥢 炸春卷外脆內嫩，香脆可口，份量適中，點套餐就可以用優惠價嗌到順化炸蝦餅（大）$76 🍤 兩大塊炸蝦餅切成八件，炸得鬆脆彈牙，配雞醬更加滋味，兩個人食好啱份量兩個人食得飽飽，埋單$318，仲冇加一，CP值高，真係幾唔錯😋…查看更多

今日老婆唔想食得咁heavy揀左呢間越式小店，味道夠晒正宗，又唔算貴，性價比爆燈！ 🍛 越式咖喱牛腩飯咖喱椰香濃郁，唔係好杰身個啲🍃牛腩炆到勁淋，入面仲有薯仔索盡精華，淋落啲飯到撈埋食勁滿足🥗 西貢牙車快夏日救星！越式雞絲沙律堆到成座山⛰️，青瓜絲、蘿蔔絲、薄荷葉爽脆到震，撈魚露食魚酸辣醒神無得輸，健康又好味，食完成個人refresh晒！ 🐷 越式豬頸肉炭燒香氣逼人🔥！厚切豬頸肉燒到邊邊位好脆口，肉質彈牙唔乾柴，重點係好香濃豬味👍🦀 軟殼蟹米紙卷米紙包住大大隻炸軟殼蟹，青瓜絲同米粉塞到滿，即叫即炸勁脆身☕ 越南滴漏咖啡叫左凍咖啡所以已經滴好左，咖啡味好香濃青檸梳打青檸梳打：爆炸多青檸，梳打氣足酸爽透心，解咖喱膩一流…查看更多