河內越式料理 (西洋菜南街)

營業中

休息中

**餐廳環境：** 地舖位置方便，裝修簡約，座位ok～ **👨‍🍳 服務：** 職員態度友善，見我揀唔定仲主動介紹招牌菜，上菜速度亦快⏱️！ **🍜 食物評分：** **1. 河內小食拼盒 ** 蝦餅同春卷最出色！蝦餅外皮脆到「咔嚓」聲，蝦肉鮮甜🦐；春卷餡料足，熱辣辣脆口，蘸酸辣醬更惹味～ **2. 香茅沙嗲串燒 - 牛肉 (3串)香茅味突出，牛肉 juicy 唔韌，沙嗲醬濃稠帶微辣，食完想再點！ **3. 極品牛三寶湯河粉 ** **湯底真係無得輸！** 飲得出係長時間熬製，牛味濃郁帶香料香🌿～牛筋煮到半透明，入口即化；牛丸彈牙爆汁，河粉份量足，大滿足！ **4. 椰汁三色冰 ** 椰奶香滑唔假甜，三色冰口感有層次，夏天飲超清爽❄️～ **💬 個人感受：** 比起連鎖越南餐廳，呢間更有人情味同鑊氣！牛三寶河同串燒必點，會再回頭～

香茅豬扒撈檬豬扒肉質鮮嫩，經過適當的烹調，外焦內嫩。香茅的香氣滲透在肉中，增添了豐富的風味，讓人每一口都能感受到肉質的鮮美與香氣的融合。撈檬的搭配讓這道菜更具清新感，與香茅豬扒形成絕佳的對比。這種清爽的搭配非常適合平衡豬肉的油膩感，使整體風味更加和諧。軟殼蟹米紙卷軟殼蟹經過輕炸，咬下去時，蟹肉的鮮甜與外皮的酥脆形成鮮明對比，每一口都帶來滿足的口感。軟殼蟹的獨特風味讓這道菜更具吸引力。米紙的質地柔軟，包裹著豐富的餡料，吃起來清爽可口。米紙的清香與蟹肉的鮮味相得益彰，使整體口感更加清新。米紙的透明感讓人能看到內部的豐富配料，增加了視覺享受。卷內的生菜、胡蘿蔔絲和香草等新鮮配料，不僅增添了色彩，還提供了清脆的口感，讓整道菜更加豐富。這些配料的搭配使得每一口都充滿層次感，口感更加多樣。這種醬料的搭配恰到好處，能夠提升軟殼蟹的鮮味，讓人欲罷不能。青檸梳打少冰青檸的酸味與碳酸的氣泡交織在一起，帶來十分爽口的感受。清新的酸味不會過於強烈，反而讓人感到一種恰到好處的提神效果。少冰的搭配使得飲品不會被稀釋，保持了濃郁的青檸風味。

極品牛三寶湯河粉 $74湯底真心好味🤤 唔會太過濃味，湯底都有幾吸引嘅香氣。九層塔，百里香，洋蔥🧅 佢會跟埋有個青檸🍋‍🟩 和小小辣椒🌶️碎嘅。河粉🍜微微爽口，但又算係冧身、算係恰到好。牛𦟌夠冧。越式豬頸肉撈檬 $65 豬頸肉出色，唔太鹹，唔掂甜酸醬都夠好味。彈牙。檬粉唔會撈埋一舊黐實晒，爽口。撈埋青紅蘿蔔絲食幾開口， crunchy有口感椰青 $45椰青 refreshing ~ 椰肉都夠多。入口好清新越式蝦醬炒通菜 $86幾大份、啲菜唔算多渣。葉和莖嘅比例都算一比一。有蒜蓉碎同埋炸蒜頭撈埋、好食。Overall覺得味道都幾好，之前食過尖沙咀分店所以再嚟食，分店味道都keep到。太于店嘅服務態度真心幾好。我哋坐近門口位，感受到經理都算持家有道，有EQ和禮貌。

呢間越南菜係金魚街後面星期五見到佢門口好多人再睇吓menu 價錢估你唔度真係好貼地主食跟飲品可加$10 就可以飲特飲(沙冰,三色冰,梳打等等)通常午餐先有竟然晚餐都有仲可以追加小份量"小食"啱晒二個人又想試好多樣野食,但唔想份量咁多👍佢仲有三個套餐選擇啱晒選擇困難人士🤣主食👉🏻家鄉南薑炆豬手件檬粉好少見到越南菜有呢個豬手炆得好腍👍連亞婆都食到🤣好細心將d 豬手切片狀方便食👍好多南薑😋食完感覺好多骨膠原👍主食👉🏻咖喱牛腩飯咖喱汁嘅質地比平時食開嘅稀身似港式咖喱緊貼反香港人口味肉質軟淋唔會韌小食👉🏻軟殼蟹米紙卷軟殼蟹外層炸至金黃酥脆蟹肉厚身鮮嫩紙米卷幾煙靭加埋粉絲蘿蔔絲口感豐富追加👉🏻油菜追加👉🏻自家制蝦餅外脆內嫩蝦肉鮮甜彈牙搭配特製醬汁飲品👉🏻椰汁三色冰有斑斕條+綠豆+紅豆飲品👉🏻青檸梳打

網上見過依間越南小店平靚正，今日終於經過，外賣自取拎番屋企做晚餐。一般嘅越南菜都有，估唔到仲有濱海添。而且仲係大眾價，每份份量都好多，難怪咁多人黎依度食野。生牛肉湯河，牛肉肉味重，非常軟腍，湯河配上牛肉湯非常爽滑。雞絲撈檬，非常多嘅雞絲，一啲都唔鞋，撈檬酸酸甜甜，好開胃，夏天食就啱哂。豬肉米紙卷，包得非常扎實又多料，口感十足，豬肉唔韌，好味到幾啖就清哂。濱海伴香茅豬扒，未食過濱海，原來係越南一種面食，將配料鋪喺一餅，再夾其他餡，今次揀咗豬扒夾，幾過癮。跟餐叫咗2杯特飲，椰果椰汁西米露非常多料，椰香味濃。估唔到青檸梳打係俾成罐梳打自己加，好清爽。

🥢星期五晚收咗工之後去旺角等埋男朋友放工，順便向附近食晚餐，今次係食越南菜🇻🇳。🥢我哋首先叫咗個生牛肉湯河粉，真係幾大碗；生牛肉雖然得幾片，但已經係成碗河粉嘅精華，切得薄薄的但牛味香濃。唧少少青檸汁同辣椒粒🌶️落湯度，味道超正。🥢我哋又叫咗個濱海伴香茅豬扒，都幾抵食，$76大大碟。豬扒切開左幾件，米粉餅有6件。店員介紹食法係將生菜包住米粉餅同埋豬扒，捲埋再點魚露汁。個人最鍾意啲香茅豬扒，好juicy😋🥢男友好鍾意食軟殼蟹，所以我哋仲叫咗軟殼蟹米紙卷，$74。米紙卷入面包住生菜🥬、軟殼蟹、越南米粉、青瓜🥒、紅蘿蔔🥕等等。值得一讚嘅係表面塊米紙浸得啱啱好，食落有少少煙煙韌韌，但又軟糯。🍹最後野飲試左個鮮芒果椰汁西米露同可樂。鮮芒果椰汁西米露幾正，唔會太甜，芒果粒粒有好幾粒，西米適量，椰汁味濃，飲完超爽。

今晚同老公嚟食越南菜，佢介紹我食呢間成日都會嚟嘅平靚正河內🥰🥰我嗌咗一個雞絲沙律，其實就係牙車快，少少辣，多多蔬菜，如果少啲汁更加好食！🥣煮食叫咗一份越式三文治，雖然入面有啲沙律醬，但係又出奇地幾夾，個包好香脆！食完一半已經好飽😝老公仲嗌咗一份生牛肉湯河，牛肉湯好香，牛肉啱啱好熟份量唔錯🥰當然唔少得叫一份軟殼蟹米紙卷😉就咁食都好豐富口感，軟殼蟹又唔會好油，值得一食😀飲品仲叫咗牛油果沙冰，好綿密！好似雪糕咁，重點係唔會太甜🥰

同班Friend去咗旺角呢間「河內越式餐廳」食晚飯，真係冇介紹錯！鋪頭雖然唔算好大，但裝修幾有越南風情，坐得幾舒服！*濱海伴豬頸肉串燒* 一上枱就聞到勁香！豬頸肉燒到外脆內嫩，啖啖肉汁，蘸埋佢哋特製嘅沙嗲醬，香甜惹味。個伴碟嘅濱海（即係越南米紙卷）包住豬頸肉一齊食，口感脆卜卜，正到爆！ *越式香茅雞翼**都係必點！雞翼醃得超入味，香茅味好突出，皮脆肉嫩，仲要一咬就離骨，我哋2個人爭住食，差啲要encore多份！ *越式生菜包* 就健康啲啦，用生菜包住炒香嘅豬肉碎同香草，加埋脆米，口感豐富。不過略嫌豬肉碎鹹咗少少，如果淡返啲會更完美。 飲品叫咗*龍眼冰*，清甜解渴，龍眼肉又多，飲完成個人涼浸浸，好啱夏天！ 總括來講，餐廳食物夠地道，價錢合理，埋單唔洗$400，服務又快手。一定會再約Friend去食！

鮮芒果椰汁西米露跟餐加$10，呢個野飲真係好抵食，$10就可以食到一杯，芒果嘅新鮮香氣加上濃郁嘅椰汁，真係非常搭配。西米嘅口感煙韌，唔會太硬，亦唔會過腍。飯後食呢個，清新解膩，非常正！紫糯米芒果乳酪呢道菜係一個甜品+主食嘅創意結合。紫糯米煙韌香甜，配埋鮮芒果嘅果香同乳酪嘅微酸，味道層次感豐富，亦唔會太甜膩。非常健康生牛肉湯河粉呢個係越南菜經典之選，湯底鮮甜濃郁，牛肉片新鮮嫩滑，浸喺熱湯入面微熟，啱啱好。河粉亦都煙韌唔會斷，配埋香草同青檸，味道非常正宗，值得推介。越式炸蝦餅炸蝦餅炸得非常香脆，入口唔會覺得油膩，蝦味濃郁又鮮甜，咬落仲有少少彈牙嘅感覺。配埋甜酸醬一齊食，味道更加豐富。跟餐加配真心抵食。芒果牛油果鮮紛糯米紙卷呢道菜係健康之選，糯米紙卷包住牛油果、芒果同埋蔬菜，咬落去好清新。芒果嘅甜味同牛油果嘅綿滑真係絕配。配埋醬汁，味道更加突出。西貢咖喱牛腩配法包呢個係全場最出色嘅一道菜！咖喱汁濃郁香滑，帶有越南咖喱特有嘅香料味，但唔會太辣或者過膩。牛腩煮得非常腍滑！配埋外脆內軟嘅法包，真係令人一試難忘，食完仲有啲意猶未盡嘅感覺

主打越式粉麵、飯類、小食及特色飲品🍹粉麵可以特價加配飲品，價錢親民🔖 河內豬頸肉沙律 沙律汁酸酸辣辣好開胃，仲有九層塔🌿令味道更有層次豬頸肉爽口彈牙，木瓜絲、蘿蔔絲同青瓜絲清新易入口🔖 越式豬扒包香脆法包中間夾住香口豬扒配上生菜及酸蘿蔔，酸酸甜甜風味十足🔖 香茅雞翼湯檬簡簡單單最好味，配有青檸🍋‍🟩辣椒正宗越式風味雞翼外脆內嫩，檬粉幼滑易入口🔖 順化蕃茄蟹肉扎肉湯檬湯頭好有鮮味，蟹味濃郁檬粉索晒湯汁精華，配搭扎肉好美味🔖 檸檬蜜糖薑茶 裡面有幾片薑片，真材實料，加上甜飲完暖笠笠，大推✔️

西洋菜南街真係好多餐廳，但經過呢間特別多人，就決定食呢間二人叫左兩碗麵，兩杯野飲，一份小食。蕃茄蟹肉扎肉湯檬粉同生牛肉湯河，兩款之間比較出色的係蟹肉湯檬，蕃茄酸酸地，但並不會蓋過蟹肉既鮮，食落有兩種層次，再加上檬粉會索晒啲湯，簡直越食越開胃相反，生牛肉相對黎講湯頭比較清，再加上少少辣椒同青檸，亦不錯的。不過兩碗都係超級大碗，好似食極都仲有咁跟餐亦都可以追加小食，我哋追加咗細嘅越式豬頸肉，份量適中，外面少少脆，唔會好乾身，而且側邊有各種醬料比你配黎食呢度既飲嘢都好大杯。叫咗芒果沙冰同埋椰青芒果沙冰係直頭滿到瀉，店員都有溫馨提示，叫用匙羹食左少少先。食得出係真材實料，唔係好假個隻糖水，值得一試。至於椰青都屬正常清甜。整體黎講，質素屬於中上，最緊要係店員服務好，價錢唔太貴

今日中午，在旺角西洋菜南街呢間河內越式料理買了幾份外賣回去食，覺得整體價錢合理，味道又好，都吾錯，特別想推介一下。點了咖哩牛腩飯，蕃茄牛腩飯，豬頸肉蛋飯和香芧雞翼。先講咖哩牛腩飯同蕃茄牛腩飯，兩者牛腩都是嫩淋入味，份量都好夠，兩者之下外有特色，咖哩牛腩很惹味，咖哩味濃，喜歡佢嘅薯仔，都入味好送飯好食，蕃茄就感覺健康，兩個都好食。至於越式豬頸肉蛋飯，佢嘅豬頸肉很好食，外面周圍很香口，豬頸肉又保留口感爽口彈牙，份量都夠，是越式菜中必食之選。另外加了份小食香茅雞翼，有兩隻，都非常香口惹味，價錢不貴，外皮煎香，肉汁仲保留住，好味道，整體都好滿意，旺角必食精選。

順化蕃茄蟹肉扎肉湯檬 🍜🍅🦀湯底鮮甜，有大量蟹肉，蕃茄的酸味為整道菜增添了清新的感覺。蟹肉鮮嫩，口感滑順，與米粉搭配時濱海伴香茅牛肉 🥩🌿所謂嘅濱海，係一個越南小食，食法係將麵主菜夾落去生菜裏面一齊食，有啲似越南嘅生菜包，牛肉經香茅醃製，帶有獨特的香氣，肉質鮮嫩，入口時有著豐富的肉汁。越式炸蝦餅 🍤🥥這道炸蝦餅外酥內嫩，餅皮金黃酥脆，裡面包裹著鮮蝦的鮮美。每一口都能感受到蝦肉的彈性和鮮甜，搭配一些香草和醬汁，味道更加豐富。香脆的口感和蝦肉的鮮香交織在一起，是一道非常受歡迎的開胃小吃。招牌越式三明治 🍽️🌶️上嘅時候麵包仲係非常之熱同埋脆，搭配有豐富的調味，口感鮮美。材料有扎肉同埋蔬菜的搭配讓每一口都充滿了層次感，而且有非常濃郁嘅雞肝醬，非常特別✅安南鮮蝦米紙卷 🍤🌿米紙卷新鮮清爽，裡面包裹著蝦肉、香草和生菜，口感清脆。米紙透明薄韌，咬下去時能感受到裡面餡料的鮮嫩與香氣，搭配特製的醬汁，味道更加豐富。

第二次光顧這家餐廳，仍然對其豬頸肉撈檬、鮮蝦米紙卷和檸檬茶念念不忘。先說豬頸肉撈檬，豬頸肉外皮煎得焦脆，肉質卻十分軟嫩，蘸上店家特製的醬汁，味道更上一層樓。檬粉入口爽滑，配上酸甜的醬汁，非常開胃接著是鮮蝦米紙卷，晶瑩剔透的米紙包裹著新鮮的蝦仁、爽脆的蔬菜和彈牙的檬粉米紙卷的口感豐富，層次分明，每一口都能感受到食材的新鮮和滋味。搭配店家特調的魚露汁，味道酸甜可口，清爽解膩最後是檸檬茶，檸檬的清香與紅茶的醇厚完美融合，酸甜適中，冰涼解渴。在品嚐完美味的越南料理後，再來一杯檸檬茶，簡直是完美的ending總而言之，這家餐廳的豬頸肉撈檬、鮮蝦米紙卷和檸檬茶都非常出色，值得一試再試。這次再度光顧，依然感到非常滿意，下次一定會再來。

期待已久嘅越南美食終於嚟到！餐廳環境清新，裝潢簡約，讓人感覺輕鬆自在。首先，我哋叫咗「牛魔王河」，湯底香濃，牛腱、鮮牛肉、牛丸嘅搭配令整碗河粉充滿咗牛肉的鮮味。牛腱煮得剛好，肉質軟嫩，入口即化，而生牛肉則保持住鮮甜的口感，搭配熱辣的湯底，瞬間就熟透，真係好好味！牛丸彈牙，口感豐富，和湯底相得益彰。河粉吸收咗湯汁的精華，每一口都令人陶醉，絕對係牛肉愛好者唔可以錯過嘅選擇。接住嚟，我哋又叫咗「扎肉撈檬」。呢道菜用上新鮮嘅檬條，配以特製嘅扎肉，味道獨特。扎肉嘅香味濃郁，肉質鮮嫩，與檬條一齊食，口感層次豐富，令人回味無窮。小食方面，我哋選咗「雞絲沙律」。呢道沙律用上新鮮嘅材料，雞絲嫩滑，搭配上新鮮嘅蔬菜，清脆可口。特製嘅沙律醬香甜適中，為整道菜增添咗不少風味。另外，我哋仲叫咗「越南芒果鮮蝦牛油果米紙卷」。米紙卷包住咗新鮮嘅蝦仁、牛油果同芒果，色彩繽紛，賣相吸引。每一口都充滿咗清新嘅果香，蝦仁彈牙，牛油果滑溜，搭配上清爽的米紙，簡直係一個完美嘅組合。飲品方面，我哋選咗「椰汁芒果西米露」。呢杯飲品清涼可口，椰汁嘅香氣同芒果嘅甜味融合得剛好，西米嘅口感亦令整杯飲品更加豐富。飲下去令人感到無比清爽，尤