鷹巢

營業中

休息中

相約成班老友去旺角聚餐，下午唔知食咩好，有個朋友話去鷹巢，坐落環境幾舒服，唔會太嘈。朋友話叉燒係必食，再加幾個點心，我最後提議叫左個蜜汁燒鱔，碟叉燒上枱果陣個個都哇一聲，厚切兼份量夠大，總共有8件，咬落鬆軟，正！蝦餃皮薄白裡透紅，有口感。另外腐皮卷唔會炸得太濃，岩岩好，入面啲蝦又彈牙。而我點既蜜汁燒鱔皮脆肉滑，一定推介！最後埋單見到有張宣傳單張係講下個月有個輕歌曼舞金曲夜，同幾個朋友商議之後立即訂枱，等大家輕輕鬆鬆聽下歌食下飯聚下舊。