河內越式料理 (西洋菜南街)

營業中

休息中

經過門口見到呢間越南菜好似唔錯, 做緊下午茶時段, 價錢又抵食🤩而且下午茶既選擇好多。店內裝修充滿越南風味, 座位亦算坐得舒適🍃 河內生牛肉湯河粉 $48生牛肉切成薄片🥩係湯到浸一浸好快就變熟, 食落去口感順滑唔會鞋口。湯底係用牛骨湯煲, 牛骨味好香濃🍜配料加上九層塔同青檸等, 非常有越南風味。順化牛肉撈檬 $50雖然係下午茶, 但份量一d都唔細, 檬粉大大碗, 撈埋酸酸甜甜既汁🍋而牛肉粉嫩多汁, 有少少辣好惹味🌶️撈均所有配料味道豐富好開胃😋越式香茅豬扒(細) $22豬扒都幾大塊, 香茅味醃得好濃🍖而且炸得乾身, 肉質唔柴好香口。