阿木台灣麵 (豉油街) (已搬遷) 新店位置

好耐冇食台灣嘢，最近冇得去旅行，超級掛住台灣。今日又約咗朋友過嚟阿木台灣麵食晏，食盡台灣美食！鹽酥雞便當 $56便當超豐富，有一大碗飯、鹽酥雞、同三款配菜。肉燥飯份量十足，肉燥好香，好多肉粒，撈飯一流。鹽酥雞非常香脆，入面雞肉Juicy。落埋鹽酥雞粉，非常惹味。梅子地瓜條 $39地瓜條可以選擇多梅粉或者少梅粉～地瓜條炸到表面金黃色，熱辣辣。地瓜好淋甜，好味！梅粉酸酸甜甜，好開胃。芝士岩鹽奶蓋四季春青茶（凍）$19四季春青茶飲落甘甘地，唔錯。芝士奶蓋芝士味濃，好creamy。