金飯館貳·零 肉餅·焗飯專門店

營業中

休息中

成日見呢間嘢都坐滿人，就好好奇，肉餅焗飯真係有咁吸引？然後發現佢嘅餐單都幾創新！旺角東站行過嚟都好方便～食完發現真係好有驚喜，之後應該會經常食🤣黑松露墨魚肉餅飯 $62大推！肉餅好紮實大塊，黑松露醬舖喺肉餅上面，食到豬肉同墨魚嘅鮮鹹香+黑松露香。肉餅入面仲有Q彈嘅墨魚粒增加口感。個飯仲配一隻荷包蛋，流心蛋黃配上甜豉油，再撈飯食一流！😭蜜桃鮮茄焗豬扒飯 $78有四到五塊豬扒，好足料，一啲雪味都冇，肉質好緊實但一啲都唔靭。濃郁嘅蕃茄芝士醬汁加埋黃桃（我食開配菠蘿嘅焗飯）有少少甜，反而更鍾意呢個配搭！個底係蛋炒飯嚟，質素高到可以單獨賣呢個炒飯！（我會買！🤣）🤩好香😍瑞士雞翼 (5隻) $42雞翼大大隻，但仍然好入味同炆到好淋。瑞士汁調味啱啱好，唔會過甜，單食都唔會太漏！呢個都係必食。多多綠茶 $22大力推薦！媲美出面嘅手搖店，但價錢仲平啲！益力多令到成杯嘢飲好清新解渴，同時亦飲得出綠茶嘅茶香，兩者味道好均衡💖。我叫咗正常甜少冰。