炑

營業中

休息中

見到白梅貝切件咁上就知新鮮，果然每啖都鮮嫩彈牙，內臟都完全唔苦好易入口。好多時配酸汁嘅白身魚都比較淡味，但伊佐木鮮味幾突出，滑嘟嘟好新鮮。秋刀魚鮮豔有光澤，好似係原產地食到咁新鮮，好甘香柔軟，一丁點腥味都冇。帆立貝燒到表面金黃，少少三文魚籽同檸檬汁創新又好夾。松葉蟹肉春卷外皮鬆化通透，打破左我對春卷主要係食脆皮嘅印象，松葉蟹肉內餡嘅存在感好強，甚至比平時蟹肉壽司嘅鮮味更加突出，真材實料，仲有濃郁嘅蟹味噌提味，係我人生食過最出色嘅春卷。蜜柑鯛帶少少橘香，好清甜。 赤貝厚到好似食緊象拔蚌咁，入口前仲郁緊，鮮度爆棚。鰤魚配柚子胡椒估唔到幾夾，柔嫩夠油。大拖羅蛇腹肥到明顯見到滴緊油，油香以外吞拿魚香味都好強，入口即融。釜飯唔係想像中原煲上嘅形象，反而好似杯cocktail咁精美。 翎䱽魚皮好脆口，拌飯食落有種食到飯焦嘅錯覺，好香口。