一向鍾意食廚師發辦，今次試下更講究啲嘅「旬」料理，以時令食材為主軸，唔同季節有唔同驚喜。每一道菜都由師傅即場處理，睇住佢慢慢切魚、擺盤，視覺味覺雙重享受。餐廳裝潢走日式簡約風，木系設計配柔和燈光，氣氛寧靜舒服。全店只有十幾個吧枱位，可以近距離欣賞師傅手藝。🔸先付 - 海膽魷魚🦑：口感爽滑，配上海膽清香鮮甜，非常開胃。🔸茶碗蒸🥚：蛋身滑溜，加埋元貝、香菇等，味道清淡中帶鮮，口感幾有層次 🔸季節刺身三品🍣：刺身賣相非常精緻，視覺同味覺雙重享受。 白鮭魚肉質細緻幼滑，味道清甜，平日比較少機會食到。北海道秋刀魚，脂香滲出，配薑醋豉油突出到濃郁嘅魚味。北海道赤貝加柚子皮點綴，食落鮮甜清香。 🔸蟹＋蝦肉蒸醬豆腐🦀：我唔食牛，餐廳特別安排左呢款料理比我，蟹蝦鮮甜之餘，師傅刀工了得，豆腐被切成條狀，賣相非常出眾。 🔸天婦羅二品🍤：穴子🐟炸得外脆內嫩，配咖哩鹽味道突出；來自岩手縣嘅舞茸菇🍄香脆且菇香濃厚。 🔸鵝肝飯🍚：鵝肝香滑濃郁，飯粒吸收油香，味道豐富。 🔸麵豉湯🍲：味噌唔會過咸，清而不淡，味道岩岩好。 🔸甜品 - Cookies & Cream 雪糕🍨：雪糕質地柔滑，甜度適中，作為尾聲非常合適。…查看更多
