影片
更多
2024-08-25
60 瀏覽
「梵」主打日式燒鳥，採用日本進口雞肉🐓 更有日本直送時令刺身，無論係凍食定熱食都可以自由發揮👍🏻 餐廳由日本人師傅坐鎮，大部分店員都識講日文，仲有唔少日藉客人幫襯，彷彿去左轉日本咁，夠哂正宗🇯🇵🎏 坐係吧枱可以望住師傅認真燒烤，現場氣氛都好好，每樣食物由頭到尾都相當出色💯 而且餐廳營業到凌晨5點架❗️ 極力推介比想食串燒既朋友😍除左串燒，餐廳有多款日式清酒🍶 可請店員推介~ 另外逢星期一至四可享Happy Hour $100啤酒任飲🍺 (17:30-19:00)，勁抵呀❗️餐廳提供日本生啤，入口順滑，飲幾杯好快回本😆❝ 梵師傅精選 $𝟒𝟖𝟎 ❞串燒omakase就比較少見，懶人套餐啱哂我地😆 晚市有兩款套餐，分別有8款和10款串燒，一個價錢已經包哂前菜﹑串燒﹑主食同甜品，幾抵食~ 8款set係固定menu，已指定好串燒款式，而10款set先係真正廚師發辦，師傅會根據當日時令食材而準備，保證有驚喜😆▸前菜每人有兩款前菜，當日係慢煮鮑魚同牛舌。鮑魚入口軟腍，添有少量生葵提味，味道又幾夾，有驚喜✨▸燒鳥𝟏𝟎串日本師傅駕輕就熟，同時處理多款串燒都無難度👍🏻 火候掌握得好好，所有串燒都燒得均勻，熟哂
除左串燒，餐廳有多款日式清酒🍶 可請店員推介~ 另外逢星期一至四可享Happy Hour $100啤酒任飲🍺 (17:30-19:00)，勁抵呀❗️餐廳提供日本生啤，入口順滑，飲幾杯好快回本😆
❝ 梵師傅精選 $𝟒𝟖𝟎 ❞
串燒omakase就比較少見，懶人套餐啱哂我地😆 晚市有兩款套餐，分別有8款和10款串燒，一個價錢已經包哂前菜﹑串燒﹑主食同甜品，幾抵食~ 8款set係固定menu，已指定好串燒款式，而10款set先係真正廚師發辦，師傅會根據當日時令食材而準備，保證有驚喜😆
▸前菜
每人有兩款前菜，當日係慢煮鮑魚同牛舌。鮑魚入口軟腍，添有少量生葵提味，味道又幾夾，有驚喜✨
▸燒鳥𝟏𝟎串
日本師傅駕輕就熟，同時處理多款串燒都無難度👍🏻 火候掌握得好好，所有串燒都燒得均勻，熟哂又可以保留肉汁，簡單用秘製昆布漬過既鹽已經好夠味.ᐟ 每道菜都高質，真係十串都唔夠食😆
❶ 雞翼 ‧ 產自德島縣，雞皮香脆，入口多汁。
❷ 雞頸肉 ‧ 產自宮崎縣，肉質結實，頗有咬口。
❸ 雞脾肉 ‧ 產自德島縣，肉質鮮嫩，燒至外脆內軟。
❹ 雞腎 ‧ 產自兵庫縣，口感爽脆有嚼勁。
❺ 紫蘇豚肉卷 ‧ 最愛之一🌟 豚肉捲起紫蘇葉，香氣撲鼻.ᐟ
❻ 和牛野菜連串 ‧ 入口柔軟，搭配野菜清新滋味。
金菇豚肉卷 ‧ 唔食牛可轉豚肉，勁出色🌟 豚肉燒至焦香，添加金菇﹑香蔥，味道富層次感.ᐟ
❼ 免治雞肉軟骨棒 ‧ 產自宮崎縣，柔軟雞肉加入軟骨，頗有咬口，口感豐富🌟
❽ 鰻魚 ‧ 🌟汁燒鰻魚口感柔軟，鮮美多汁.ᐟ
❾ 蘆筍 ‧ 新鮮蘆筍，爽脆可口。
❶⓿ 秋葵 ‧ 燒至軟腍，口感軟糯。
▸主食
3款主食可選：燒飯團﹑雞湯素麵﹑雞肉滑蛋飯，出品高質👍🏻 必選燒飯團🌟 飯團以串燒形式送上，外層搽上香濃醬汁後燒至焦香，飯焦香脆可口，而內裡飯粒保持濕潤口感，再包上紫菜享用，真係超絕😍 另外雞肉滑蛋飯都唔錯，蛋味香濃，雞肉夠滑嫩，配上日本珍珠米，經典搭配絕不出錯👍🏻
▸雪糕
雪糕有多款口味，試咗抹茶﹑冧酒提子都好食😋 抹茶味道極香濃.ᐟ 而冧酒提子味道突出，仲有提子乾，真材實料✅
❝ 厚揚燒 $𝟑𝟓 ❞
餐廳既單點menu都好經濟實惠❗️ 最後加多個炸豆腐，喺日本成日食但係香港較少見，越簡單既菜式越考功夫😆 豆腐外脆內軟，夠哂嫩滑，添以木魚片﹑香蔥提味，口感更豐富，推介散叫必點🌟
張貼
