影片
更多
2023-10-16
22 瀏覽
[ 三日月 ]香港越開越多日式鐵板燒🔥餐廳，但有日本廚師坐鎮唔算多。尖沙咀呢間餐廳由日本藉主廚🇯🇵松永寿朗(Matsunaga Toshiaki)主理，午市及晚市都有鐵板燒套餐。✿ 三日月極上一人前鐵板餐 $998/位由於預早訂枱，當晚店員能夠安排坐鐵板燒爐席前，更由日藉大廚松永師傅主理晚餐。(1) 沙律🥗「海葡萄沙律」以柚子酸汁配搭日本海葡萄及沙律菜。海葡萄口感爽脆，帶有海藻及柚子醋嘅清新味道。(2) 前菜三小點三款開胃小碟分別係牛蒡漬物、日本軟豆腐配芝麻醬及煙燻雞肉。(3) 季節時令生蠔🦪「日本🇯🇵兵庫縣生蠔」蠔肉白而肥厚，肉質鮮嫩，海水味較淡。配魚子醬及檸檬汁將生蠔甘甜味帶出。(4) 極上刺身🍣油甘魚、吞拿魚赤身及牡丹蝦，鮮甜美味。除咗鐵板燒套餐，餐廳每日會推出時令海鮮單點菜式，海鮮有北寄貝、蟶子等。「清酒煮鑽石蜆 $118」將鑽石蜆放在錫紙器皿內，松永師傅再放在鐵板上烹煮。鑽石蜆大隻厚肉無沙，烹煮時間剛好，有鮮甜海水味及日本清酒味。(5) 茶碗蒸🥚師傅將黑松露油混合蛋漿蒸熟後，表面加上鰹魚湯汁及魚籽，味道豐富好充料。(6) 鮮活南非鮑魚六頭南非🇿🇦鮑魚超新鮮，未煮之前仲識郁，煮
香港越開越多日式鐵板燒🔥餐廳，但有日本廚師坐鎮唔算多。尖沙咀呢間餐廳由日本藉主廚🇯🇵松永寿朗(Matsunaga Toshiaki)主理，午市及晚市都有鐵板燒套餐。
✿ 三日月極上一人前鐵板餐 $998/位
由於預早訂枱，當晚店員能夠安排坐鐵板燒爐席前，更由日藉大廚松永師傅主理晚餐。
(1) 沙律🥗
「海葡萄沙律」以柚子酸汁配搭日本海葡萄及沙律菜。海葡萄口感爽脆，帶有海藻及柚子醋嘅清新味道。
(2) 前菜三小點
三款開胃小碟分別係牛蒡漬物、日本軟豆腐配芝麻醬及煙燻雞肉。
(3) 季節時令生蠔🦪
「日本🇯🇵兵庫縣生蠔」蠔肉白而肥厚，肉質鮮嫩，海水味較淡。配魚子醬及檸檬汁將生蠔甘甜味帶出。
(4) 極上刺身🍣
油甘魚、吞拿魚赤身及牡丹蝦，鮮甜美味。
除咗鐵板燒套餐，餐廳每日會推出時令海鮮單點菜式，海鮮有北寄貝、蟶子等。
「清酒煮鑽石蜆 $118」
將鑽石蜆放在錫紙器皿內，松永師傅再放在鐵板上烹煮。鑽石蜆大隻厚肉無沙，烹煮時間剛好，有鮮甜海水味及日本清酒味。
(5) 茶碗蒸🥚
師傅將黑松露油混合蛋漿蒸熟後，表面加上鰹魚湯汁及魚籽，味道豐富好充料。
(6) 鮮活南非鮑魚
六頭南非🇿🇦鮑魚超新鮮，未煮之前仲識郁，煮法上亦都好特別。
松永師傅先將鮑魚煮至半熟，去殼後放在昆布上，再加入海帶、鰹魚湯汁及日本清酒等材料烹調。鮑魚火候控制剛好，肉質軟嫩唔
韌，連同海帶吸收湯汁精華，夠哂入味。
(7) 海鮮二選一
「深海野生白鱈魚」🐟
松永師傅以日式燒汁煎香白鱈魚柳，魚肉油脂豐富，肉質嫩滑厚實，伴以蔬菜粒及薯蓉進食，口感有層次。
「帝王虎蝦」🦐
原隻八頭虎蝦有手掌咁長。松永師傅將蝦身煎得香口，蝦肉紮實飽有彈性，蝦味濃郁，帶有檸檬汁清新感。
另外值得一讚係兩款海鮮菜式擺盤及畫碟好細緻。店員話松永師傅擁有鐵板燒及超過二十年法國菜經驗，難怪菜式仿如藝術品🎨。
(8) 肉類鐵板燒🥩
「鹿兒島黑毛豬肩」🇯🇵🐷
松永師傅將雜菇放在豬肩肉片上，捲起形成薄燒卷，再塗上日式照燒汁煮熟，豚肉肉汁豐富，香氣十足。
「A5宮崎和牛西冷厚燒」 🇯🇵🐮 +$150
加錢將美國安格斯牛柳升級至A5宮崎和牛西冷。松永師傅將和牛西冷煮至7成熟，會無咁油膩，和牛肉質幼嫩，油脂分布平均。
(9) 鐵板炒飯🔥🍚
以白飯魚仔、櫻花蝦及香蔥加入酸梅醬炒飯，配搭特別。店員仲介紹另一種食法。炒飯食到一半時加入鰹魚湯🥣，形成茶漬飯，食完唔會覺得滯。
(10) 味噌湯🥣
日本料理店必備湯品。
(11) 甜品🍮
會定期轉款的日本直送甜品。一款係益力多雪糕配蜜瓜味卷蛋，另一款係日式豆腐雪糕。
總結🫦
鐵板燒菜式調味適中，唔會太濃味。日藉主廚松永師傅能以英語交流，用餐更具互動性。如果想試到松永師傅嘅手藝，記得訂座時向店員特別備註喔！
✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿
三日月
地址：尖沙咀金馬倫道23號金馬倫廣場2樓
B號舖
電話：2116 1735 / 9851 7951 WhatsApp
✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿
張貼
