弁慶 御好燒 鐵板燒

營業中

休息中

🇯🇵🍳🏮日本味道高質大阪燒✨桌面上會有海苔粉、七味粉、及鰹魚粉提供✅鰻魚玉子燒 -$95一份切開咗四件，裏面嘅蛋真係好滑，以外皮就煎得好香，有蛋香，每件入邊都會夾咗兩舊鰻魚，鰻魚都冇咩骨，好容易入口亦都有鰻魚汁嘅味道，都幾好味。✅免治雞肉燒 -$93呢個用鐵板上，上枱好靚好吸睛，上面有大量蔥粒，仲有隻好靚嘅生雞蛋喺上面。免治雞肉餅有口感，食到一粒粒，撈埋蛋液又香又滑。✅牛舌 -$105牛舌都切得幾厚，睇落去都好多件，有咬口而且燒得幾好，會爆汁，隔離會配咗一啲生椰菜絲，新鮮爽口好清新，跟配嘅黑椒汁好正，好濃味，令牛舌提升到另一個層次。✅豪華大阪御好燒 -$148御好燒好厚實，唔會得粉，亦都唔會好散。食到有好多幾爽口嘅椰菜，亦都有一片煎香咗嘅豚肉。而呢個豪華版嘅就有兩隻大蝦，八爪魚，同埋半粒帶子，全部都煎香咗，配埋燒汁、蛋黃醬，仲可以自己再加海苔粉，好味😋✅鹽麴烤伊比利亞豬 -$132燒得好靚，肉質鮮嫩，有咬口得來又唔會好硬，豬味香濃。仲有沙律菜、泡菜拌碟。