串カツ専門店

營業中

休息中

搭𨋢嘅時候已經有日本人一出𨋢，坐低之後發現隔離都係日本人飲酒食串串。我哋坐吧枱，位置比較逼。非炸物比較平凡普通，叫炸串應該會更加好食，不過一定好熱氣。*日本雞蛋豬肉卷 $38炸衣夠薄但離肉，雞蛋半熟，豬肉存在感極低，味道偏淡要沾炸串汁食。*芝士三文魚炸串 $22雖然得一串，但佢好好食。三文魚啱啱好熟，配脆卜卜嘅炸衣好夾！明太子芝士玉子燒 $98即叫即整，所以熱辣辣出晒煙。玉子燒蛋香唔係特別濃，包住明太子+拉絲芝士，鹹香味啱啱好。鐵板海鮮明太子 $68粉漿加入八爪魚、明太子煎成煎餅，撈埋明太子蛋黃醬、蛋黃，軟綿綿，有明太子嘅味道，但未夠濃，感覺要配脆片會更夾。博多豬骨湯鐵板炒麵 $108鐵板作用唔大，唔會令炒麵特別熱。顏色同我想像中有出入，豬骨湯汁有啲多，麵略腍略油。配料有豬肉、椰菜、煎蛋，份量慷慨，但同炒麵有啲分割。千島醬一口芝士 &58芝士流心到極致，奶味極濃，所以同時亦好膩。