影片
更多
2024-08-25
1384 瀏覽
呢間人氣日式小店座位唔多，夜晚嚟到嘅時候需要排隊，大概等咗半個鐘左右。我哋叫咗兩個全日套餐，揀咗肉類🥩之後可以自由配搭主食同小食兩款，彈性好大可以試同唔同嘅嘢👍🏻慢煮美國封門柳配柚子胡椒盛 （$118）呢個配搭揀咗期間限定嘅栗子飯再加$8叫咗個醬油蛋，小食揀咗青蘋果紫薯球同埋柚子青瓜漬，跟餐會送埋湯同埋熱茶。封門柳外表睇落粉嫩但係食落好乾柴，特別係邊位，配搭嘅柚子胡椒醬鹹味較重，呢個主食有啲失望😔青蘋果紫薯球🍏除咗本身大有少少青蘋果味，佢入面都會有青蘋果粒，配搭幾特別，口味清新，值得一試。柚子青瓜漬🥒可能醃得太耐，調味酸左少少。而醬油蛋飯🍚嘅飯質偏硬，唔夠軟熟，影響口感。慢煮黑毛豬配肉桂蘋果蓉（$98）黑毛豬🐖做得比封門柳好食，肥瘦位都有，淋身啲唔會靭，肉桂蘋果蓉配搭特別，口味清新，但係就同黑毛豬感覺唔係特別夾。呢set揀左和風茄子🍆同日式大根。茄子有同樣問題都係醃得太耐，味道偏鹹。而日式大根好入味無渣👍🏻主食嘅醬油蛋烏冬比飯好食，如果嚟食嘅話建議食烏冬多過飯。整體嚟講會覺得呢間嘅食物調味偏重，無期望中咁好食。勝在價錢親民，可以揀選唔同嘅配搭，如果行經呢頭無人排隊可以試下。
慢煮美國封門柳配柚子胡椒盛 （$118）
呢個配搭揀咗期間限定嘅栗子飯再加$8叫咗個醬油蛋，小食揀咗青蘋果紫薯球同埋柚子青瓜漬，跟餐會送埋湯同埋熱茶。
封門柳外表睇落粉嫩但係食落好乾柴，特別係邊位，配搭嘅柚子胡椒醬鹹味較重，呢個主食有啲失望😔
青蘋果紫薯球🍏除咗本身大有少少青蘋果味，佢入面都會有青蘋果粒，配搭幾特別，口味清新，值得一試。
柚子青瓜漬🥒可能醃得太耐，調味酸左少少。
而醬油蛋飯🍚嘅飯質偏硬，唔夠軟熟，影響口感。
慢煮黑毛豬配肉桂蘋果蓉（$98）
黑毛豬🐖做得比封門柳好食，肥瘦位都有，淋身啲唔會靭，肉桂蘋果蓉配搭特別，口味清新，但係就同黑毛豬感覺唔係特別夾。呢set揀左和風茄子🍆同日式大根。茄子有同樣問題都係醃得太耐，味道偏鹹。而日式大根好入味無渣👍🏻
主食嘅醬油蛋烏冬比飯好食，如果嚟食嘅話建議食烏冬多過飯。
整體嚟講會覺得呢間嘅食物調味偏重，無期望中咁好食。勝在價錢親民，可以揀選唔同嘅配搭，如果行經呢頭無人排隊可以試下。
張貼
