日嚐

營業中

休息中

日日行過哩間鋪頭，都好full下，今日收工早少少，睇到有位快D試試。店鋪唔大，得幾張台，以原木裝修為主，都幾溫馨。晚餐提供數款日式套餐，平平地已經有埋兩款手工沙律，餐湯，主菜同主食。可樂，係套餐搭配，會搭配埋冰杯，唔錯。慢煮美國封門柳，搭配柚子胡椒醬同越光米飯。封門柳大約5成熟，外面焦香，內裡仲要紅色。食落肉質軟嫩，牛味好香好juice。越光米好高質，米飯煮到粒粒分明，有韌性又好甜。南瓜佃煮同蘋果紫薯球，南瓜綿密香甜，紫薯細膩似甜品多D。酸忌廉煙肉薯仔沙律，酸忌廉唔會好酸，同薯仔都幾搭下。裡面加咗洋蔥同煙肉，味道好豐富。慢煮和牛舌，牛舌勁厚一件，用慢煮方式烹飪牛舌，食落唔會覺得un, 反而覺得軟嫩爽口。稻庭烏冬揀咗昆布木魚湯，烏冬食落好彈牙。木魚湯用咗好多木魚花同昆布煲制，清澈透亮，同烏冬好夾。柚子青瓜漬同和風茄子，青瓜漬酸甜爽口，茄子軟嫩味增味濃，兩款小菜都唔錯。

#MC帶你去紅磡 #MC帶你去黃埔.每次經過黃埔，都總會發現依間日式小店排曬長龍，今日終於得閒試一試！➖✨ 日嚐.餐廳位於紅磡明安街寶石戲院樓下，主打日式定食套餐；店內裝潢以木系為主，走日系簡約素色風格，用餐環境舒適。➖🥢 慢煮美國封門柳 ｜$118 ✨人氣之選✨🥢 配越光大米；加配醬油蛋（加配 $8）.封門柳呈粉嫩色，大約五成熟，脂肪少肉味好濃厚；醬油蛋汁與日本越光米飯拌勻，醬油加上香濃蛋汁，超級加分！➖🥢 慢煮泰式雞配泰式辣汁｜$88 ✨推介✨🥢 配稻庭烏冬 .雞肉經過慢煮後，肉質非常嫩滑，搭配泰式辣汁，辣辣地好開胃；稻庭烏冬口感煙煙靭靭，細妯碗份量啱啱好。➖🥢 季節沙津｜酸忌廉煙肉薯仔沙律.用了薯仔、生紫洋蔥、蔥花、煙肉等而成，質感比較濃稠，材料簡單但味道好好！➖🥢 季節沙津｜日式大根.蘿蔔深色入味，味道清甜又無渣。➖🥢 季節沙津｜和風茄子 .茄子肉十分軟腍，加上日式味增調味，味道鹹鹹甜甜。➖🥢 季節沙津｜柚子青瓜漬.青瓜口感爽脆，以柚子及日式味增醃漬，超級入味。➖🥢 季節沙津｜話梅漬番茄.話梅味十分突出，加上番茄水潤酸甜，非常清新開胃。➖🥢 跟餐飲品｜茉莉花茶（熱）.➖🥢 跟餐

紅磡多嘢食就係人都知，放工同事一齊去覓食😋呢間日式小店門面都夠晒日本特色，想入嚟試好耐，好彩今日有同伴一齊品嚐🤤每次經過都好多人排隊，今日都係！🍽️ 慢煮和牛牛小排我哋一人叫咗一個套餐，我就好想食牛，所以見到呢個限量慢煮和牛牛小排🥩就即刻order咗🤤牛小排燉到啱啱好，仲有牛味，而天氣開始轉涼，我就揀咗冬日限定嘅湯水鯊魚骨濃雞湯稻庭烏冬🍜食完即刻暖笠笠☺️而且每個套餐仲會包兩款小食，好鍾意紫薯嘅我就揀咗青蘋果紫薯球同埋酸忌廉煙肉薯仔沙律🥗食完飯食返少少甜品特別滿足，一上枱面有好豐富嘅套餐喺我哋面前慢慢食😝🍽️ 慢煮黑毛豬配玉桂蘋果蓉同事就叫咗呢個黑毛豬配玉桂蘋果蓉套餐，小食就揀咗青蘋果紫薯球同埋南瓜🤭佢就係想試一試蕎麥麵，拎住一小撮蕎麥麵去浸返冰涼蕎麥麵汁，好有日本嘅味道👅講返個黑毛豬又係炆到啱啱好，慢煮嘅豬肉肉味好出，配埋蘋果蓉真係絕配😍🌟仲食人情味添🎌🍽️ 紅豆白玉+蜜瓜福餅女人係有第二個位係食甜品嘅，兩個都鍾意食煙煙韌韌嘅小丸子，所以就叫咗呢個紅豆白玉，食完飯食呢個甜甜地嘅甜品真係冇得輸，而想讚一讚呢個蜜瓜餅嘅蜜瓜味好濃，下次都一定會追加！

呢間餐廳比較健康既日料，小店入面仲放左個好勁既金色大風車好吸睛。入面既裝飾好地道日本餐廳甘木質素材比較屋企feel，我地叫左一份黑毛豬定食，加配左南瓜漬，轉左烏冬日本烏冬就比較彈牙，黑毛豬份量都幾多同厚肉，最重要既係豬肉唔鞋好嫩滑既口感配埋蘋果蓉醬汁真係好夾。封門柳好有肉味，食落加埋芥末醬好開胃，另外配左話梅蕃茄漬呢個酸甜好味，最正既係加埋甜品芝麻紅豆麻糬同埋蜜瓜麻糬都好好味下面仲會配一杯綠茶俾我清一清之前食既咸食味道，飲完綠茶再食佢就岩岩好啦

我第一次嚟呢間食係一年前果時又係晚市嚟食已經排晒隊今次帶男朋友嚟試，係平日放工一早過嚟都要排隊🤣🤣 呢到座位真係少，因為食野冇時限的排一陣可以接受。同上次一樣我都係叫個雞定食跟青蘋果紫薯球($88)佢地個紫薯真係好好食，出面好少有但唯一唔好係，個紫薯keep住少少凍女仔唔方便食凍野就要注意🤫個雞好味，唔乾，煎得滑，又大件，好夠食。男朋友叫封門柳定食($118)試左佢少少牛，都幾好味唔鞋，重肉味，同足料的。所有定食都跟埋湯，連日本菜野食好味，呢個價錢，算性價唔錯了

第一次黎見到要排隊 諗住一路等朋友到一路等8點黎到 中間店員有係龍尾截龍排到9點先入到去係入去嘅時候店員先話9點半閂門已經嬲嬲地 點解我排隊個陣唔講唔通排左咁耐唔食咩 勁肚餓入到去好快點餐野食就黎左張枱勁細 啱啱好，淨係擺到兩個餐盤喺我哋食嘢傾偈期間店員打擾我哋又要埋單又話如果我哋食晒啲碟要早啲收但問題我冇一隻碟食晒有冇咁趕住收工啊咁趕住收工唔好俾我哋入嚟食囉真係食到好火滾以後唔會再幫襯

叫左個午市套餐 包茶包茶漬慢煮美國封門柳 HK$ 108完全唔會un， 好軟淋，熟度岩岩好。簡左稻庭烏冬 ，韓風豬骨湯 小辣烏冬個湯唔係好辣，只係小小既辛辣麵個隻辣味，都幾吸湯👍🏻加配餐湯及沙律 HK$ 5青蘋果紫薯球 ，甜甜地，紫薯味幾出，仲另外有杯野飲（熱）冬瓜茶 ，唔知原來係又有湯又有野飲🥸，可以飲本身杯茶都夠。湯係豬骨湯 ，正常冇特別。見到個薯仔沙律好似幾吸引，又再叫左個酸忌廉煙肉薯仔沙律（內含生洋蔥）HK$8幾好食😋，溝埋啲煙肉係薯仔入面，軟綿綿。

跟理大學生去黃埔搵食🥸應該係我近期最明智嘅選擇🥺今日去左呢間日式小店食晚餐😗幾鐘意佢套餐嘅配搭👍🏻份量啱啱好夠食🥰🥩慢煮美國封門柳配稻庭烏冬本來想食慢煮牛舌不過太遲到賣晒🥺但係呢個封門柳亦都好出色😍熟度剛好，唔會韌👍🏻配埋柚子胡椒鹽仲多層次✅🐟銀鱈魚西京燒配越光米飯銀鱈魚鮮嫩多汁💦份量有一塊半嘅魚扒☄️越光米飯粒粒分明⚡️🥗手工沙律南瓜佃煮、日式大根、和風茄子、青蘋果紫薯球全部都有用醬料醃製，但食物原材料冇被奪走，呢個我會encore😈下次試埋其他🍼飲品荔枝梳打、冰糖雪梨茶飲品杯好講究👍🏻我估老闆係調酒師🤪好鐘意佢啲器皿🫘芝麻紅豆福餅btw隔離枱都叫一樣嘅餐，一樣嘅飲品🤣睇嚟好醒目咁叫晒啲招牌野食😚*無需加一服務費🤑只收現金/八達通，記得撳定錢喇

一向都好鍾意食日本嘢今日嚟到紅磡都特登搵日本嘢食呢間餐廳門口都好日式佢哋set嘅擺設好有家嘅感覺🧡慢煮紐西蘭羊架+越光米飯+青蘋果紫薯球+和風茄子+ 炸雞+冬瓜茶羊架有三件咁多，而且仲幾厚添味道唔會好酥，仲煎到外面脆脆地沙律揀咗青蘋果紫薯球紫薯整得超腍，中間夾住啲青蘋果好fresh和風茄子好有日式風味唐揚炸雞仲好Juicy添冬瓜茶亦都甜到適中🧡慢煮美國封門柳+稻庭烏冬+昆布木魚湯（只限鳥冬）+酸忌廉煙肉薯仔沙律+呢個牛柳係限量發售，好在俾我食到啫封門牛柳嘅數量都好多，煮到差唔多五成熟嘅樣食落去唔會好韌，仲幾有牛味添烏冬仲配埋昆布木魚湯，味道超級夾南瓜佃煮唔好睇佢得一嚿，煮得好腍唔錯㗎酸忌廉煙肉薯仔沙超級正，酸忌廉調校得啱啱好，加埋薯仔煙肉少少生洋蔥，配搭得好好白桃乳酸唔會太甜，有淡淡的白桃香味

已經第三次光顧這家日系料理小店雖然每次都想試新的菜式但真的離不開這個慢煮美國封門柳牛肉熟成度剛剛好燒得外脆內軟，非常香口大件多肉，完全不會韌比很多專門吃牛扒的地方更高質稻庭，烏冬看起來細細碗，但其實份量十足絕對足夠配搭整碟牛肉 特別熬製的牛骨湯令人回味，絕對不是味精湯套餐包括熱茶，健康又美味如果要說缺點的話唯獨是座位編排非常狹窄絕對不適宜和朋友吃喝聊天的餐廳最好就是自己一個來速食而且吃飯時間外面一直也有人排隊建議避開熱門時間

經過發現呢一間日式小店 發現好多人排隊原來係主打慢煮料理嘅 真係要試下喇每個套餐都包括主食、兩款手工沙律、餐湯同玄米茶慢煮美國封門柳慢煮到軟嫩多汁嘅封門柳配埋柚子胡椒鹽 提升層次感 份量都唔少㗎 慢煮泰式雞泰式風味十足 雞肉嫩滑軟腍配上特製泰式辣汁 香辣開胃主食：- 豬骨湯烏冬：湯底濃郁 烏冬彈牙- 冷蕎麥麵：清爽可口 開胃之選手工沙律：- 南瓜佃煮：甜香惹味- 和風茄子：入味爽口- 青蘋果紫薯球：口感綿滑- 日式大根：開胃解膩

【紅磡•日嚐】@ππππππππππππππππππππππππππππππ稻庭鳥冬豬骨濃湯（只限烏冬）：湯底濃郁，帶有豬骨的鮮美，讓人回味無窮。稻庭烏冬：麵條彈牙，吸附湯汁，口感極佳。豬骨濃湯慢煮黒毛豬：肉質鮮嫩，慢煮的方式讓味道更為醇厚。和風茄子：清新爽口，搭配黑毛豬相得益彰。酸忌廉煙肉薯仔沙律（內含生洋蔥）：酸奶醬帶來清新感，煙肉增加風味，生洋蔥稍顯辛辣。白桃乳酸口感順滑，桃子的香甜令人愉悅。荔枝梳打清新可口，帶有荔枝的獨特香氣。蜜瓜福餅外脆內軟，蜜瓜的甜味讓人心情愉快。餐廳環境：🔥🔥🔥🔥🔥服務質素：⛄⛄⛄⛄⛄食物味道：🍾🍾🍾🍾🍾性價比：🎟️🎟️🎟️🎟️🎟️消費 HKD 250✨✨✨✨✨✨✨✨✨✨✨✨✨#紅磡美食 #日嚐 #web3紅磡日嚐明安街10號寶石戲院地下F號舖

1. 慢煮豬頸肉完全咬唔開，望一望中間仲係粉紅色。問佢可唔可以整返熟少少，佢話慢煮係咁，如果我真係覺得唔熟就幫我攞微波爐叮熟佢。我諗我唔識食唔熟既慢煮豬頸肉。（為左安全，當然請佢照叮啦。佢叮完出黎真係無咗中間個撻粉紅色及咬得開。）2. 我知你一早截咗單，但我係正正式式坐咗入黎，你俾QR code我落單既客人。如果你接左我張單後成20分鐘先上菜，再要求我20分鐘內食晒，咁你不如一早唔好俾人排隊（我都喺門口排左成個鐘）。我係一入座就落單，唔係加單。如果你係9點一定要落閘放狗，咁你一係再早啲截單。我諗無客人接受到，每食完一個小碟/沙律/主菜/飯就即刻收你隻碟，然後成條枱布撻喺你張枱趕你走。連喺地下擺野個籃都想擺埋上你大髀咁滯。好阻你收工？3. 坐喺門口四人枱，出出入入俾其他客人撞到少少唔緊要，支持小店就預咗。但我成餐飯不停俾你樓面金髮女同事踢櫈腳、撞我手踭，我揸筷子食野嗰隻手。我已經盡力盡坐近左邊，等你通道闊啲。但撞到我既每次都係該位金髮女同事，唔係出入既食客。老老實實佢每次行過我都唔敢食住等佢行過先，你大晒喇，客都比你有禮貌。4. 總結，請我食都無下次，味道不足以令我容忍咁既態度，更何況連

今日同老公放假晏晝去紅磡行下，咁岩見到有間文青日式小店有好多唔同既日式定食料理，有好多唔同選擇，入去食下先🤓🤓老公叫咗個慢煮美國封門柳定食加配冬瓜茶🩷🩷🩷🩷🩷因為老公唔想食太多配菜，所以就淨係叫咗個定食加配菜。呢個套餐佢送咗個涼拌昆布，鹹鹹甜甜地做前菜一流。個重頭戲梗係封門柳啦，佢面上淋左啲燒汁好似kfc磨菇飯個汁再加啲胡椒味，配搭埋封門柳真係好夾。因為佢可能慢煮左個封門柳關係，所以啲牛肉食落好夠嫩滑，而且牛味好濃，完全唔嚡口。配飯一流，忍唔住將成個餐食晒，真係好有驚喜好夾。同埋跟餐加配嘅冬瓜茶都好好飲，同台灣飲到個味道一樣都係甜甜地嗰隻冬瓜茶。而我就叫咗慢煮泰式雞配泰式辣汁加配冬瓜茶🩷🩷🩷🩷🩷個泰式雞定食嚟到已經聞到香辣辣地嘅泰式辣醬味，加上個雞肉面頭燒到好焦香，食落個雞皮脆脆地，而且啲肉汁好juicy,又唔乾柴。同埋配搭上酸酸辣辣既泰式汁特別開胃。不過我就加配咗一個青蘋果紫薯球，佢食落啲青蘋果粒粒勁清新而且個紫薯味又會比蘋果味搶晒。完全係食得出紫薯同埋青蘋果嘅味道，冇諗過配搭得咁好，同埋紫薯味都好甜整落沙律都特別綿滑。不過我係轉左食蕎麥麵，佢個蕎麥麵加埋啲蕎麥麵嘅醬汁特別清新，啱晒

我們今晚去左食日嚐慢煮生活發現嗰間餐廳6:00就超多人，間餐廳坐滿晒，一開門口就坐滿晒。我和朋友要左慢煮豬頸肉配荔枝玫瑰醬豬頸肉經過慢煮處理，肉質柔嫩，口感滑順。荔枝玫瑰醬的搭配增添了甜美和花香。最緊要係個豬肉真係超腍。廚師真係煮得好好。蕎麥麵（冷）冷蕎麥麵的質感爽滑，搭配簡單的調味。青蘋果紫薯球青蘋果酸甜和紫薯綿密口感形成完美對比，十分開胃。柚子青瓜漬清新柚子和青瓜酸甜口感平衡了其他嘅濃郁，使整體餐點更具清新感。非常適合解膩，提升整個用餐體驗。紅豆白玉（甜品） （熱）陳皮檸檬茶這款熱飲以陳皮的獨特香氣和檸檬的清新酸味慢煮黑毛豬配肉桂蘋果蓉黑毛豬肉質鮮嫩，慢煮使得肉質更加軟滑，與肉桂蘋果蓉搭配，帶來甜美與香料的平衡，增添了整體的風味層次。稻庭豬骨濃烏冬稻庭烏冬彈性十足，搭配豬骨濃湯，湯頭濃郁，蜜瓜福餅蜜瓜與福餅係好特別嘅配搭，一啲都唔韌。☺️飲品就叫咗冬瓜茶We went to try Slow Cooked Life tonight and discovered that the restaurant was packed by 6:00 PM. As soon as the door