影片
更多
2024-02-06
198 瀏覽
好耐冇食過放題啦😍，香港仔新開咗呢一間🔥灜火日式放題🔥，門面夠晒霸氣😆有位日本武士鎮守住呢間日式餐廳😂，裏面枱凳都相當闊落，裝修日式為主，餐廳盡頭有一幅日式嘅壁畫，好搶眼😍，價格方面大概分咗三個價錢，可以食到兩個鐘，分別係午膳時間嘅💲268，晚市💲308同埋8:30後嘅💲268任食，絕無額外價錢，嘢飲方面可以加錢轉生啤添，點單紙有九種分類🍣刺身:刺身方面種類都比較多，必食嘅一定係🌼三文魚刺身，🌼赤蝦刺身，🌼珍寶帶子等，用料新鮮，三文魚夠厚肉，色澤鮮艷👍🏻，赤蝦又夠爽，size偏大😍，珍寶帶子唔係浪得虛名，真係足足比一般嘅帶子較大😆，食落更加有口感，其次有🌼油甘魚，🌼赤貝，🌼希靈魚，🌼北寄貝，🌼鮑片同🌼甜蝦等🍣壽司：壽司嘅款式都比較多，其中較為特別嘅係🌼白之戀，外層係油甘魚刺身包住，裏面有蟹肉同蟹籽，口感特別😋，其次係🌼香蔥燒玉子鰻魚壽司，呢款壽司嘅玉子特厚，鰻魚都係厚切，食落相當惹味🤤，另外較為新穎嘅係佢個🌼黃金肉鬆金龍卷，裏面係天婦羅蝦，整體味道好夾，口感豐富🥰🥰🍣雪糕筒:呢款雪糕筒相當特別,真係冇乜見過,佢分別係有🌼芥末八爪魚同埋🌼芝士蟹籽,將傳統嘅紫菜包飯變咗雪糕筒,賣相特別之餘
🍣刺身:
刺身方面種類都比較多，必食嘅一定係🌼三文魚刺身，🌼赤蝦刺身，🌼珍寶帶子等，用料新鮮，三文魚夠厚肉，色澤鮮艷👍🏻，赤蝦又夠爽，size偏大😍，珍寶帶子唔係浪得虛名，真係足足比一般嘅帶子較大😆，食落更加有口感，其次有🌼油甘魚，🌼赤貝，🌼希靈魚，🌼北寄貝，🌼鮑片同🌼甜蝦等
🍣壽司：
壽司嘅款式都比較多，其中較為特別嘅係🌼白之戀，外層係油甘魚刺身包住，裏面有蟹肉同蟹籽，口感特別😋，其次係🌼香蔥燒玉子鰻魚壽司，呢款壽司嘅玉子特厚，鰻魚都係厚切，食落相當惹味🤤，另外較為新穎嘅係佢個🌼黃金肉鬆金龍卷，裏面係天婦羅蝦，整體味道好夾，口感豐富🥰🥰
🍣雪糕筒:
呢款雪糕筒相當特別,真係冇乜見過,佢分別係有🌼芥末八爪魚同埋🌼芝士蟹籽,將傳統嘅紫菜包飯變咗雪糕筒,賣相特別之餘食落又唔錯，一定要叫嚟試吓👍🏻👍🏻
🍤天婦羅:
天婦羅方面，有必食嘅🌼虎蝦,其次有🌼蟹棒，🌼茄子同埋🌼南瓜,要特別一讚嘅係炸到外脆內軟，外層只係有薄薄嘅炸粉包住👍🏻，炸出嚟金黃色，絕對睇得出佢哋用嘅油唔係所謂嘅千年油🤩，食唔出重重嘅油益味，色澤都係偏淺黃色，自己唔覺意都食咗幾份🤣🤣
🥟炸物:
佢哋嘅炸物方面有🌼芝士年糕,🌼榴槤炸彈,🌼香芋丸同埋🌼芝麻雞翼,每一款都值得一試,炸到都係金黃色,食落外脆內軟，熱辣辣，即點即炸😋，嚟到嘅時候要攤一攤先食,事關真係新鮮出爐😆
🍢爐端燒:
燒物方面真係要俾個like佢👍🏻,睇得出佢哋係好用心製作，必食嘅有🌼香草燒羊架，真係貨真價實嘅燒羊架，脂肪比例唔多，食落啖啖肉😍，唔會感覺佢好蘇，都係熱辣辣上碟，味道適中，唔會過咸，食落帶點羊味，一定要encore🙌🏻🙌🏻，另外呢款🌼鹽燒大海蝦，足足有手板咁大🤩，有淡淡嘅鮮蝦味，蝦肉爽口，唔會燒過龍😋，仲有嘅係🌼鹽燒牛舌，一啲都唔韌，食落腍身惹味，🌼燒菠蘿又夠甜，其他嘅燒物都一流，好似🌼孜然燒雞翼，🌼燒牛仔骨，🌼雞軟骨餃子，🌼金菇肥牛卷呢啲一定要試吓🙌🏻🙌🏻
🍲一品料理,和風料理:
最後就係佢哋熱辣辣嘅料理，必試推介嘅有🌼黑椒薯仔粒炒一口牛，味道濃郁，牛柳粒相當入味，有牛味之餘仲要唔韌🤤🤤，呢款🌼香蔥蒜蓉蒸帆立貝賣相精緻，每一份帆立貝都落重料，粉絲薯蓉配料味道適中，唔會過咸，帆立貝絕對有1蚊銀咁大，值回票價呀🤩，最後叫咗一份🌼和風湯烏冬，🌼牛油粟米同埋🌼茶碗蒸，茶碗蒸食落又唔錯，餡料豐富，蛋又夠滑😋
食到中段，職員都有過嚟問吓我哋啲嘢食如何，服務細心，overall 食物質素夠高質，終於都食到一間係值回票價😭，仲拎咗兩份佢哋自家製嘅奶凍俾我哋試吓，幾重奶味，都唔錯😋，食埋每人一份嘅Häagen-Dazs雪糕就圓滿啦😋😋
張貼
