瀛火日式放題

從門口睇個價錢牌好似相對貴少少，香港仔但係銅鑼灣嘅價錢，但係入到去，食過一次後，覺得絕對物有所值，首先店員好親切，當時已經係夜晚我揸車去，就拍喺門口，店員經常幫我睇住有冇抄牌，每十至十五分鐘就同我報一次平安，真係食得好放心，亦好窩心，食物質素更好，絕對媲美銅鑼灣，尖沙咀黃金地段嘅優質放題，刺身款式多，上得快，全部都好新鮮，燒物，全部好畀心機同你慢慢燒，燒雞翼全部燒到好脆口，咁樣燒嘅好處可以保留好多肉汁，每隻雞翼都好好食，佢嘅壽司亦都特別多種類，炙燒嘅三文魚肥牛壽司非常好食，飲品選擇亦都非常多，幾個雪櫃任你攞，逢星期六日都好多人一定要訂位，我閒日去都接近坐爆咁濟，雖然人好多，但係所有食物上菜速度都好快，值得一讚，大時大節提早訂位，一家人，歡樂嘅一餐…查看更多

是日父親節食飯,很久沒有食日式放題了,決定試一試這間,我們訂了7點食但早到了10分鐘到,所以很快就有位了. 講到食物方面,刺身好新鮮,熱盤食物款式都有好多,味道亦都好味,員工服務100分滿分,由其是靚仔版白只的服務.推介…查看更多

趁母親節前夕一家人嚟食個放題，喜出望外，刺身非常新鮮，唔會就住就住，熱食亦都係大大份，味道唔錯，對得住個價錢，尤其是而家香港地非常之少有嘅服務態度，做得非常之好，啲員工做嘢非常之勤快，合作性高，亦都好helpful，唔會介意問長問短，仲好好禮貌，香港地已經難得一件，今日開心得滯，食食吓跌咗張500蚊紙落地下自己唔知，一位戴眼鏡員工幫我執返俾返我先知，非常感恩，今晚一家人食得非常之開心👍🏻👍🏻…查看更多

【南區】【瀛火日式放題】好耐冇去南區，咁耐冇寫南區飲食我自己都覺得唔好意思。今次難得同美女朋友喺香港仔搵嘢食，點都要寫埋佢。不過呢頭周圍都係啲大集團嘢食，又冇乜動力去搵小店，之前我自己都係食牛一就算。喺香港仔中心見到呢間「瀛火日式放題」，就入咗去喇。我哋係連餐牌都冇睇過就貢咗入去，都算係勇者嘅表現。不過食放題呢啲，間間都差唔多咁食㗎啦。我哋叫咗一陣都冇嘢嚟，老細勁醒目即刻問我哋係咪已經落咗單，主動幫我哋跟，勁抵讚，一定要寫。之後好快就上菜，同埋上放題必食嘅日式刺身喇。水準就正常啦，都只能夠講係一般，而且佢啲嘢有機會唔係一齊上，會梅花間竹咁上，唔好叫多咗。間嘢會播埋生日歌幫客慶生，難怪好受街坊歡迎。老細仲好識講笑同好細心，會記得啲熟客中意食乜。價錢每位 $308，公眾假期或前夕加 $10，埋單 $700，可以啦。。。（地址：香港仔南寧街14號香港仔中心五期地下4B號舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #foodpics #followforfollowback #love #eat #1am南區 #香港仔 #瀛火日式放題 #瀛火 #日式放題 #日式刺身 #炸物 #天婦羅 #甜品 #1am1741 #1ambackup…查看更多

首先嚟個重點概括：食物好、服務好、衛生好🫶🏻之前食開旺角本店，好開心竟然喺香港仔開咗分店！🥹 在下一直係忠實粉絲，大本瀛同瀛火係我食過性價比最高嘅放題👍🏻 從來都冇OpenRice Account，但為咗佢哋可以喺香港仔長做長有，等作為街坊嘅我都可以長食長有，決定要寫食評幫手宣傳吓🤣！食物質素：食物口味呢啲嘢好主觀，但如果你都鍾意食飯粒軟糯嘅壽司，絕對唔可以錯過瀛火！出面好多時食嘅壽司飯凍、硬、乾、散，但呢度嘅壽司飯暖、糯、潤，刺身食材好新鮮，熟嘅食材調味濃而不膩🤤 我最鍾意胡椒岩鹽燒左口魚邊同蒜香醬油燒三文魚火炙壽司，魚嘅油香同軟糯嘅壽司飯係絕配🫶🏻 呢個價位係無得輸🙂‍↔️仲有其他菜式，質素都好高水準，好多時候放題可能只係刺身同壽司好食，但係熟食唔得，或者調返轉；但呢度無論刺身定熟食都係中上級水準。都係嗰句，呢個價錢冇得輸🙂‍↔️服務質素：101分！出餐快、準，老細同幾位後生仔服務速度同態度都非常好，能夠感覺到佢哋每一個人都想做好件事，讚。餐廳環境：乾淨企理，餐具都清潔得好好👍🏻 點解要特登提餐具呢？就係因為好多放題啲餐具都洗得唔太乾淨，即使連鎖式嘅放題餐具成日都油淋淋⋯(可能我潔癖😂？)最後，重點推介🔥！中意食甜品嘅一定一定一定要試佢個焦糖燉蛋🍮 ！香甜可口🤤仲有Häagen-Dazs 食，完全滿足我嘅甜品胃。所以總結，呢個價錢，呢個食物質素，呢個服務質素，冇！得！輸！🤪…查看更多

今日5點半前入座 電話話268蚊一位再加一張單都係咁寫然後佢地碌完我張咭 先話今日要收埋“假期前後”服務費 究竟係員工唔記得提 定印錯單呢？要收charge冇問題 但你可以碌咭前講聲 碌完先斬後奏先講 你講乜都得啦仲要今日唔係紅日喎前線服務態度ok 食物味道尚可 但係收錢手法實在令人咋舌如果你地真係咁中意留在香港仔食放題又好想碌完咭先知有額外服務費既驚喜誠意推薦呢間！______________幾年前食過兩次一次好好味 一次大失準諗住俾多次機會再支持香港仔食店真心講味道唔難食 但體驗麻麻bye👋…查看更多

今日約咗好朋友喺香港仔，佢話唔想食咁油膩野，想食刺身。但其實我想食熟野，最好就係食羊同牛。咁佢話唔駛諗，一於去食放題啦。聽到香港仔有放題食，心諗唔知得唔得呢？通常我都喺尖沙咀或銅鑼灣食，香港仔食唔知得唔得呢？同行朋友話呢間野好多街坊好評，咁就一於試吓啦。一黎到就寫剔個刺身併盤俾朋友先啦。汽車啤酒都有，都係果啲野啦。有lotte芒果汁﹑王老吉﹑有糖無糖可樂咁啦。我就前後叫咗幾件羊扒，味道都ok, 唔太騷又幾嫩。味道正常。薄燒牛舌，味道正常。之後朋友再叫多次刺身。但一到90分鐘就上單話last order, 埋咗單佢就上雪榚啦。先前再有叫啲order佢話無晒，佢問我記唔記得仲有乜未到我真係唔記得。我再劃好時佢已經話cut咗單。可能我太耐無食放題啦，我一再問朋友話90分鐘定120分鐘，佢話120分鐘，但90分鐘就cut單埋單。再坐多10分鐘，朋友罐野都未飲晒就問我地可唔可以讓張檯出黎。我見佢地小店，我地都唔會難為佢，都想佢地做多轉生意。我同朋友6點入座時都唔多人，8點未到就叫我地讓張檯出黎，感覺好似以前食特價提早埋單離座咁，朋友罐野飲飲咗一半；而我頸渴都唔再去拎多罐飲，自己出去買。平均$339/位，野食係ok嘅，但選擇唔多，但要準時90分鐘埋單。或者應該好似銅鑼灣/尖沙咀出面食果啲咁，一坐低就狂叫先得，本著唔浪費唔嘥野精神，食放題食唔飽，我都係第一次。如果細食嘅，想食刺身想食熟野炸野嘅，喺香港仔唔想出去嘅，都可以一試嘅。…查看更多

最近去咗香港仔嘅瀛火日式放題，都好滿足！我同屋企人無BOOK 直接WALIN，入到去發現環境都幾舒服，雖然唔係好大，但裝修得幾靚，有種日式風情。服務員一入嚟就好有禮貌，可能人少，佢會幫我拿野飲，第一次食放題有店員自動拿野飲比我，真係覺得好開心！落單時係用紙劃嘅，服務員來回都幾密，收野落單都好快。.首先，刺身拼盤真係唔錯，三文魚、八爪魚、赤蝦等都好新鮮，切得厚厚一片，每口都充滿肉感！佢地第一round 整左個特大SET，整得幾靚！但帶子壽司明明應該幾好食，但上面加左明太子，就即刻難食左。.至於熱食方面，清酒煮蜆味道清淡，不會太重，能夠保留蜆嘅鮮味。燒大蝦彈牙，真係好推介，可惜叫得３隻，再叫多６隻等到走都未上菜。辣酒煮花螺有D難食，可能煮得太耐，但個汁係好食。最難食個係三文魚湯? 完全係有D臭味。冬蔭功湯都唔掂。我特別鍾意佢哋嘅羊架，烤得啱啱好，唔會太老，啖啖都有羊香味，超正！另外，茶碗蒸蛋亦都好有特色，有蟹籽同冬菇，食落去滑滑地，非常好味。.我哋仲試咗佢哋嘅甜品，簡左菠蘿雪葩，食落真係有一絲絲菠蘿而且唔甜，必叫。.整體來講，對比大喜屋，當然係大喜屋好食，但香港仔出去來回車錢同時間，瀛火日式放題性價就高少少，如果你住喺香港仔或者附近，可以一試。但比我簡我會出返去食大喜屋，因為大喜屋品質控制較好，雖然次次食d味都一樣。…查看更多

琴晚係銅鑼灣收工男朋友話見到呢間放題，不如去試下囉？當時20:00，就試下打去約20:30有冇位啦！留咗陸小姐2位，好，直入香港仔，到步後搵咗一陣都搵唔到就打去問下，電話一通「喂！陸小姐你好」，服務員仲記得我姓陸😱好好，問完位置就即刻行過去，一入到去唔係好大間，但服務員已好細心講解落單流程，好肚餓，唔理三七廿十一點咗嘢食先，落單係用紙劃的，服務員每收一張都會說多謝，食物到喇，服務員會同你講「小心碟邊熱呀/紫菜卷物要食先唔係會淋咗/炸物要小心熱呀！」呢啲每一句說話我都好耐冇聽過，重要嘅係每一位服務員都唔會黑住面對住你，到差唔多食完，我問係咪有甜品咖？服務員即問「陸小姐咁快食飽喇？好，我攞張甜品紙比你」鍋心到呢，埋單$590，呢個價錢呢個服務，有冇攪錯呀，五星級酒店都唔會記你貴姓啦！讚讚讚👍🏻👍🏻👍🏻好希望香港飲食業可以做到咁，唔係要你地記住我貴姓，只要唔好黑面就好了🙏🙏🙏…查看更多

已經食過3，4次。如果係香港仔想食新鮮刺身真係要嚟呢間，壽司飯唔係機製，質感唔死實，而且舊飯唔大嚿，材料又非常充足，正👍🏻性價比算係咁，最重要係坐得舒服。宜家去啲普通質素連鎖壽司店想食飽都要成二百幾一位，如果想叫好多刺身就更加唔使諗，三百幾都唔會夠。真係不如嚟呢間算，食物種類有多又任食，晚餐可以食成3個鐘，真係飽到上心口。服務更加唔洗講，好少去啲日式放題會係咁主動換碟，野食又上得快。呢啲加一服務費先抵俾架麻。…查看更多

我其實好懶寫食評，因為我唔想求其寫幾句，我唔係要呃like，亦都唔係要出名，我好單純地只係希望自己嘅食評可以幫到其他人。今次寫食評嘅最大原因係餐廳嘅服務，真係好到不得了，好到有啲受寵若驚😆不過當然要講食物啦！情人節，唔想去咁遠，所以book咗屋企附近嘅瀛火日式放題，好耐無食放題，成日經過都想去試下，但一放假又唔喺附近🙈講下食物🥘我哋點咗好多野食，每樣都試咗先，然後好食再返兜！首先講吓上菜嘅速度，我覺得都算幾快，不過有上錯嘢嘅情況出現，無點嘅野上咗幾次，本身其實係冇所謂嘅，不過如果我哋唔食嘅話就會有啲浪費🙈食物全部都係熱辣辣嘅(當然除咗啲魚生同埋頭盤啦)，唔係放咗好耐嗰啲，係似即叫即整咁熱👍🏻掛住食都影唔晒啲食物，哩度只係得一半😆我同仔仔最鍾意就係炸雞翼，孜然雞翼同埋芝麻雞翼都一樣好味👍🏻牛肉粒就有啲韌！蒜蓉蒸扇貝都好好味，呢個就等得比較耐啲，我見好多其他食客都有點呢一個😋另外壽喜燒都好好味，熱辣辣👍🏻飲品就係自己出去拎，選擇雖然唔多但係飲品嘅款式都係香港人喜歡嘅口味，例如可口可樂、道地烏龍茶、椰汁… 另外都有熱飲可以叫，我哋叫咗杯雪梨茶！甜品方面就唔係任點嘅，雪糕係一人一杯，有五種口味可以揀。另外仲有其他甜品每人可以揀兩樣！真係飽到捧住個肚出門口😆服務點解會令我覺得咁驚為天人？係因為入面有個戴眼鏡嘅男仔(黑色頭髮，頭髮短啲嗰個)佢超級無敵貼心，我搣完啲燒大蝦之後想要濕紙巾抹手。本身我先生已經喺背囊拎緊比我，但係個男仔好似聽到我講嘢咁，突然之間搣開一張濕紙巾俾我，仲有搣多一張俾我先生👍🏻然後我飲完罐可樂，諗住起身嗰一下，講緊我pat pat只係離開咗張凳0.5 cm，然後佢又再次出現，仲要拎埋同一罐可樂出現喺我面前，問我係咪想要多罐呢😂當我答完佢：「係呀」，佢即場就幫我開埋，真係不得了👍🏻😂佢唔止對我哋一家三口咁好，我見隔籬枱嗰個女士都讚緊佢！食物質素未必係驚為天人，但係我覺得都唔錯，喺香港仔嚟講都算係咁㗎喇！起碼叫做屋企附近都有間好啲嘅餐廳可以慶祝下開心下🌹我係絕對會因為佢哋嘅服務態度好而再去幫襯，畢竟，今時今日咁嘅服務質素已經買少見少！…查看更多

一開始入去嘅時候諗住大年初一冇訂枱都好大機會冇位。。。好彩時間比較早，所以都有枱。一入到去啲服務員已經同我哋好詳細咁講述有啲咩嘢飲，凍熱都有。而且佢哋都好主動去問我屋企人有冇長者咭，唔似其他嘅餐廳咁個客唔問佢哋就唔理～上刺身嘅時候啲服務員都同我哋講要優先食，如果唔係會出水😂佢哋嘅服務態度好到我有啲尷尬，唔知以為自己去咗爆星嘅酒店食嘢🤭🤭d蝦好甜又大隻，其他刺新都好鮮甜！個燉蛋又唔會好老啱啱好！另外我哋都叫左即開生蠔，啲生蠔都好重海水味好正，而且價錢都唔貴！除咗嘢食好食之外，我覺得重點係真係佢哋服務態度係超好，佢哋會好留意顧客嘅需要，例如紙巾濕紙巾。而且佢哋都好體諒老人家冇記性，服務員一早同我哋講咗凍熱嘅嘢飲都有，老人家唔記得佢哋都好有耐性再講多次～又主動問顧客需唔需要幫佢哋影相，唔係淨係我哋呢一枱喺咁，我聽到佢哋都有問其他枱嘅客人～絕對喺物有所值可以再去食嘅鋪！…查看更多

住喺香港仔，每次想食放題嘅時候，都淨係可以去銅鑼灣、旺角呢啲地方先有得食……但係，喺一年前，香港仔都開左一間日式放題喇，終於可以唔洗搭車都可以食到放題今次已經唔係第一次光顧，而係光顧左好多次，每次食完都話要寫篇食評讚揚下，但每次都冇寫，今日再光顧，一定要寫番一篇食評表揚同分享。我喺前一日先訂枱，以為會冇枱，但老闆今日留左一張大枱比我，真係好開心。雖然，店舖唔大，但坐位坐得好舒服，店舖亦好乾淨。老闆仲特意留左半打生蠔比我，生蠔隻隻都非常肥美鮮甜，超正第一輪落左刺身拼盤，三文魚、八爪魚、泰式生蝦、阿根廷赤蝦、甜蝦……都好新鮮美味，擺盤亦擺得好靚，好有心思，增加了不少食慾!之後陸陸續續都落左好多唔同嘅食物，上菜速度快，非常有效率。本人推薦一定要食 1.烤羊架，因為羊架唔食烤得太老，啱啱好。2. 茶碗蒸蛋，平時食嘅蒸蛋就真喺得蛋，咩都冇，但瀛火嘅茶碗蒸蛋有蟹籽、冬菇、蟹柳同明門卷，夠特別，而且蛋真係蒸得好滑 3.清酒煮蜆，清酒唔會太重，可以食到蜆嘅鮮味。最後，最重要嘅係店員好有禮貌，上菜速度快，收捨枱嘅速度快，抵讚瀛火日式放題，值得推薦比大家，因為性價比真係好高…查看更多

呢間餐廳喺屋企附近，9成香港仔人都唔睇好佢嘅前景，最近由放題only變到有lunch set，告急feel重😬早排有個香港仔朋友話佢食左幾次，食物都幾好，咁我就的起心肝boxing day五點入座試試佢。入到去已經有兩枱人食緊😲食物種類都算多，刺身唔會話好鮮味但係至少唔會腥，我會話壽司郎level咁囉😅熱食真係好癲，未試過香港餐廳啲野熱辣辣得咁緊要，平時唔熱唔食應該就黎口腔癌嘅我，都要攤一陣先食到😂 鍾意多菜少肉嘅人可以嗌炒雜菜同飛天通菜，數量寫1但係個份量都算係放題嘅2人份😙 吉列蠔好食過焗蠔，羊架夠淋唔騷但有羊香味，呢個我自己encore左😝 冬蔭功湯唔ok，三文魚蕃茄湯有淡淡魚味👍🏻 牛肉壽喜燒鍋一定要第一轉就落單，因為佢去到中後段先到，食到飽左真係唔太食得落😭甜品每人揀2款，另外h記雪糕就每人一杯。雪糕嗰到有菠蘿雪葩，食落真係有一絲絲菠蘿而且唔甜，必點😍 其實去到尾都好飽，所以限量甜品都冇所謂，百福豆腐花直頭拎返屋企算😅服務態度好到我懷疑人生😵‍💫 樓面全部都好好禮貌，食到夠鐘冇趕我地走，只係叫我地冇野加就可以埋左張單先，仲想加埋茶比我繼續坐🙈 佢地嘅服務就好似fg出社會好有衝勁嘅感覺😂總結: 17:15前入座的確可以試試，要我正價食就覺得唔太值(香港仔黎講)…查看更多

難得香港仔竟然有一間日式放題餐廳新開，我當然要去試一試。他們的那個日本武士鎧甲令人非常之注目，進去之後也是一個普通不過的放題店，當中的食物不過不失，然而選擇比其他的放題店更少，不知道是不是因為算是新開的關係，或者是在香港仔算是一門獨市生意。最另外印象深刻的是他的手卷，我本身想像他的手卷份量會很少嗎？然後他一上菜的時候我就整個人震驚了平常用紫菜包起來的魚生，今次竟然是用超級市場買到的即食雪糕筒代替了紫菜，我真的嚇了一大跳。…查看更多