蝦魂

營業中

休息中

今日同老公去將軍澳寶琳新都城中心行街，其實將軍澳寶琳可以話係最多餐廳美食選擇的地方，去到新都城見到一間開左都有一段時間嘅新拉麵店，店名叫蝦魂,，應該是以蝦為主題。見唔太多人，唔需要等位，我同老公都想試一試，鋪頭採取開放式設計，店內空間比一般拉麵店寬敞，坐得都幾舒服，以日式木系裝修，環境簡約舒適，員工有禮，可掃QR Code落單。火炙廣島蠔豬腩肉蠔湯拉麵呢款湯頭係新推出，湯頭奶白色，入口Creamy, 味道鮮甜，冇腥味，廣島蠔蠔肉肥美飽滿，肉質嫩滑鮮甜，豬腩肉肥瘦分明，唔會太油膩。特盛海鮮•蝦紅湯拉麵橙紅色嘅湯底超濃郁，有別於出面嘅蝦湯拉麵，原來鋪頭用上龍蝦、虎蝦、阿根廷紅蝦同日本櫻花蝦熬製而成，真係好足料，誠意十足，嚐一口湯頭，蝦湯有少少苦澀味。另外，師傅仲貼心到將3隻蝦幫您搣埋殼，等您食得方便啲，拉麵質地都唔錯，有嚼勁。個人覺得蠔湯比蝦湯鮮甜, 蠔肉鮮甜好食, 但塊豬腩肉其實是煙肉, 食落同碗麵唔係好夾。不推薦蝦湯，完全冇蝦味，拉麵一般，配料差，只有蛋比較好，唔值過佰一碗。整體食物非常普通，期待有所改善，職員有禮貌主動，店舖當天還做緊特價，叫第二碗有半價。