UFUFU CAFE (Tower 535)

營業中

休息中

呢間銅鑼灣過江龍人氣cafe，行日式木系風格，地方幾闊落，傾偈一流，閑日full house 👍🏻👍🏻 最緊要食物真係好精緻好味鹿兒島和牛漢堡🍔份量超大，和牛burger煎得恰到好處，外層焦香，裡面卻保持住粉嫩多汁，每一口都係肉汁。加上新鮮嘅生菜、蕃茄，酸甜鹹香交織😛😛吉列豬扒蛋包飯係ufufu 嘅鎮店菜式，吉列豬扒外皮金黃酥脆，裡面鮮嫩多汁，絲毫冇柴嘅感覺🤭蛋包飯都係心機之作，炒蛋好嫩滑🍳包裹煮蕃茄炒飯，再配咖喱汁，每一啖都好滿足。餐廳仲好有心思，配上四款配料topping，有椰絲、炸洋蔥、酸蘿蔔同提子乾🍛日式炸雞金黃酥脆，裡面嘅雞肉卻保持住嫩滑juicy最後仲嗌咗靚靚拉花latte 同芭菲。芭菲有新鮮嘅士多啤梨，同埋香濃牛乳味雪糕，店員好有心機排得好靚，真係打卡一流。