Poking

今日約好朋友下午茶， 我哋兩個都鍾意食魚生飯， 佢就提議來呢一間 ，喺上環文娛中心附近， 蘇杭街有一間小餐廳 ，供應新鮮美味嘅魚生飯。 兩個人每人叫一碗魚生飯， 各取所需。 餐廳雖小， 選擇卻不少， 魚生飯有好多種新鮮食材選擇 。我就揀咗 creamy baby 。有三文魚，牛油果， 豆腐 ，炒蛋絲 青瓜， 飛魚子， 芥辣沙律醬， 花生粒， 芝麻， 再加壽司飯沙律， 堆滿一大碗 ，淨係賣相就已經攞滿分。 顏色鮮豔代表食物新鮮 ，粉紅色嘅三文魚 ，嫩綠油潤嘅牛油果， 雪白嘅豆腐， 鮮黃色嘅炒蛋絲 ，翠綠嘅青瓜 ，鮮橙色嘅飛魚子， 簡直就係七彩繽紛， 碗底係壽司飯沙律， 壽司飯煮得鬆軟， 酸酸地， 好開胃。 朋友仔嗰碗有少少食材唔同， 佢有黃色嘅芒果 紫紅色嘅櫻桃蘿蔔 我貪心又攞啲嚟食 ，一餐飯唔單止食咗各種顏色的食材， 仲有好豐富嘅味道 ，鹹甜酸辣 ，好香嘅芝麻， 好爽嘅青瓜， 好肥美嘅三文魚， 簡直就係最健康美味 嘅食物。👍👍😋😋