壽喜・關西

營業中

休息中

今日去銅鑼灣買野，咁難得過海，當然要食好西，於是就去左近排人氣關西式壽喜燒人氣小店「壽喜‧關西」。本身想避過人潮，所以揀下午2點半先到，點知都係要排隊。店舖面積雖然唔大，但裝潢環境都幾好。而呢度的Menu比較簡單，主要分三款牛，分別係精品赤身、特選肩胛同埋極上肉眼，當中份量就有分正常份量「並」同埋較大份量「大盛」。今次就叫左特選肩胛同極上肉眼大盛，其實每款都唔洗三百蚊，食到和牛壽喜燒都真係幾抵。呢度主打關西式壽喜燒，主要係要分開牛肉同配菜一齊食，比較著重牛肉與壽喜燒醬汁的味道。首先一開始加牛脂肪，之後就加少少壽喜燒醬汁，再將牛肉煎香，最後就撈埋生雞蛋就可以品嚐到牛肉的味道。講番兩款和牛，特選肩胛肉味較濃，有口感。而極上肉眼就好嫩滑，配埋生雞蛋，有入口即溶的感覺。而醬汁方面，壽喜燒汁唔會過濃或過甜，整體上味道調較方面岩岩好。另外配菜都好多款，有唔同種類的蔬菜同菇類，可以加上昆布湯煮熟。另外加埋白飯或者烏冬，一定夠晒飽。整體而言，呢個價錢食到咁高質的壽喜燒其實已經無可挑剔，和牛質素好好，份量又夠多，而店員都可以耐心講解煮法，有時如果唔夠醬汁都會提醒你加番湯，呢方面都幾細心。如果大家黎到銅鑼