Ha Noi 越南菜

營業中

休息中

新開越南野食😋夜晚延長食飯，終於可以同朋友去食長小小既晚餐😋。今晚去左重慶隔離地牢食呢間越南野，見佢poster既野食樣勁吸引，同埋價錢都合理。裝修好新又企理，牆身既裝修好越式風，我地每人各嗌左一個主食同野肉，再一個小食齊齊分。香茅豬扒撈檬好大碗，豬扒都好大塊，煎得岩岩好，朋友鐘意多啲酸，落左好多汁，好清新開胃。蕃茄蟹肉扎肉湯檬湯檬仲大碗，餸有蟹肉、札肉、豆卜同雞蛋，料好夠。個湯好濃蕃茄同蝦味，加埋另上既青檬同辣椒🌶️，好惹味。越式豬頸肉大大塊，燒得吾乾，有肉汁，好食。椰汁紅豆冰好多紅豆😍，用椰汁多，所以吾太甜，吾錯。熱越式滴漏咖啡第一次飲，幾特別，味道香濃，加小小奶再滑d。