影片
營業時間
今日營業
11:00 - 22:00
星期一至日
11:00 - 22:00
以上資料只供參考, 請與餐廳確認詳情
早前同朋友嚟食過, 覺得牛腩唔錯, 今日外賣返屋企加餸越式咖喱牛腩飯蕃茄順化牛腩飯牛腩 肥瘦適中, 肉質軟淋, 筋膜都淋曬, 唔會韌, 而且份量足！咖喱 唔係好辣果種程度, 辣味較易入口，質感香滑濃稠, 係越食越開胃, 用來送飯一流, 薯仔唔會炆到爛溶溶, 係炆得軟淋得嚟, 內裡軟綿, 索晒咖喱汁, 係絕配！而蕃茄底 係好 rich, 味道層次豐富, 甜甜酸酸令胃口大增！用來送飯都一流！裏面仲有紅蘿蔔同洋蔥, 食落滋味又健康！(加配) 越式炸春卷 賣相唔錯, 食落口唔會油膩, 裏面餡料好多, 紅蘿蔔絲, 木耳絲, 粉絲, 豬肉碎 等, 下次可以叫一碟熱奶茶 嘅茶味都幾濃熱西洋菜蜜 唔會水汪汪, 有西洋菜蜜味座位幾寬敞地方企理清潔燈光明亮職員工作效率高地點方便, 尖沙咀 exit H 出咗之後, 過對面馬路就係啦!
繼續閱讀
大家好 今晚來左重慶大廈食咖喱不過唔係食印度咖喱而係去了地庫既河內Ha Noi食越南既咖喱呢間叫做Ha Noi既越南菜食飯先上左飲品棷汁三色冰同埋椰果椰汁西米露因為我有點飯同檬粉所以兩款特飲只係需要+12蚊三色冰就有紅綠豆同埋綠色既班蘭糕都係好正常果種椰果椰汁西米露就比較多椰果首先點了越式咖喱牛腩飯咖喱係越南風味唔係好辣牛腩係半肥瘦都炆得幾腍跟住就上左兩款小食呢度叫飯或者粉都可以以平少少既價錢追加小食一款分別點了越式蝦餅同埋越式春卷兩款都係即炸蝦餅唔會太硬應該係手打既春卷既材料都幾多有肉同埋菜加粉絲最後上埋家鄉南薑炆豬手伴檬粉呢款南薑炆豬手都比較少食好多南薑同埋豬手都炆得好腍個汁都比較多膠質檬粉既份量都幾多可以魚露或既個豬手汁都OK總括埋單228蚊呢間店都抵食大家可以試下
繼續閱讀
夏天最啱食越南菜又清新又舒服☀️今晚嚟咗呢間餐廳都好受歡迎❤️菜色選擇好豐富而且口味好地道🌍 喺附近行完街嚟食個晚餐係個好選擇😝⭐️ 順化蕃茄牛腩配法包 🍅蕃茄汁酸甜度啱啱好非常開胃🥹 配上蒜蓉法包索曬蕃茄既精華🇫🇷牛腩口味好豐富🥩⭐️ 河內特色拌檬粉 🍝肉餅配上炸春卷好香口🫔特別係配上越式酸汁🌶️比起一般調味多了一份清甜☘️⭐️ 安南鮮蝦米紙卷 🦐大蝦新鮮又飽滿🌊 Refreshing得黎咁啱係減脂嘅好選擇🌈⭐️ 法式牛油雞翼 🐔 炸得香口又充滿牛油香🧈酥脆嘅外皮好邪惡⭐️ 鮮芒果西米露 🥭用上粒粒新鮮嘅芒果💛配上西米露嘅口感好豐富又解渴🧋⭐️ 越南滴漏咖啡☕️咖啡帶獨特嘅烘焙香可見用料嘅質素🖤 配上煉奶係越式咖啡嘅靈魂🍼自己調配甜度岩岩好⭐️ 紫糯米芒果乳酪 💜紫糯米煙煙韌韌配上微酸既乳酪🥛驚喜地好清新
繼續閱讀
位於尖沙咀重慶大廈地下新Food Court 「heath」的「Ha Noi 越南菜」是一間主打地道越南美食的餐廳。店內裝潢簡潔，充滿越南風情，氣氛輕鬆舒適，無論是朋友聚餐還是獨自用餐都十分合適。餐廳的菜單選擇豐富，而我就喺當中點咗三樣，包括越南拼盤小食、極品牛三寶湯河同埋河內牛丸湯河。小食拼盤是這裡的招牌之一，當中最令人驚喜的是春卷和炸雞翼。春卷外皮炸得金黃酥脆，內餡新鮮飽滿，入口即散發出蔬菜和肉類的香氣，油而不膩，令人一試難忘。炸雞翼則外層香脆，雞肉嫩滑多汁，調味適中，每一口都帶來層次分明的口感，是小食拼盤中的亮點。其他小食如越南拼盤，配搭新鮮蔬菜和特色醬汁，為味蕾帶來豐富的享受。主菜部分，極品牛三寶湯河的湯底清甜，牛腩、牛筋和牛肚各有特色，牛腩軟腍入味，牛筋彈牙，牛肚爽口，配上滑溜的河粉，令人回味無窮。河內牛丸湯河的牛丸彈性十足，肉味濃郁，湯底同樣鮮美，適合喜愛牛肉的食客。飲品方面，我哋就點咗青檸梳打同熱嘅蜜糖檸檬。青檸梳打帶有清新柑橘香氣，口感清爽，能有效解膩。熱蜜糖柑桔則甜中帶酸，暖胃又滋潤，食完熱氣嘢是餐後的理想選擇。總括而言，「Ha Noi 越南菜」無論在小食還是主食方面都表現出色。餐廳價錢合理，服務親切，是尖沙咀區值得一試的越南餐廳。整體用餐體驗非常愉快，從入座到點餐，店員都十分親切有禮，令我感覺賓至如歸。春卷和炸雞翼的味道讓我印象深刻，每一口都吃得出新鮮和用心。主食的湯底清甜，牛肉配料豐富，特別適合喜歡地道越南菜的朋友。飲品方面，青檸梳打和熱蜜糖柑桔都很有特色，為整頓飯添上完美句號。如果要給分數，我會給「Ha Noi 越南菜」10分。價錢合理，食物質素高，服務又好，是我會再訪的越南餐廳之一。
繼續閱讀
今次去尖沙咀試咗幾款越南菜，好有驚喜呀😍！豬頸肉撈檬 ($68) 🐷🍜超香口，豬頸肉燒得焦香又唔油，檬粉爽口，加埋酸酸甜甜嘅醬汁真係好開胃～蝦餅撈檬 ($70) 🦐一樣咁出色，蝦餅爽彈，成碟食落飽肚！法式牛油雞翼（$56/4件）🍗🧈超香超多汁，外脆內嫩，食完真係想encore🔥飲品方面，鮮芒果西米露 (特飲加 $12)🥭🥤勁香甜滑溜，椰汁味超濃～椰汁三色冰 (特飲加 $12) 🥥🍧又靚又好飲，有啲似糖水咁，啱晒打卡！最後甜品椰漿芒果紫糯米飯 ($78) 🍚🥭，椰香濃郁，紫糯米煙煙韌韌，仲有半個芒果食，好滿足～成餐又抵食又好味，特飲只係加$12好抵😙 越南風味滿分，推介！推介指數：⭐️⭐️⭐️⭐️⭐️
繼續閱讀